ضلع شوپیاں کے امام صاحب علاقے میں جمعرات کی صبح ایک ریچھ نے رہائشی علاقے میں داخل ہوکر ایک شخص کو زخمی کردیا۔
مقامی باشندوں کے مطابق امام صاحب علاقے میں جمعرات کی صبح ایک ریچھ اچانک نمودار ہوا جس نے نظیر احمد شیخ نامی ایک شخص پر حملہ کرکے اسے زخمی کردیا۔
مقامی باشندوں نے اسے فوری طور پر نزدیکی طبی مرکز پہنچایا جہاں اس کا علاج و معالجہ کیا جارہا ہے۔
مزید پڑھیں؛ شوپیان: غریب خاندان پردھان منتری آواس یوجنا اسکیم سے محروم
محکمہ وائلڈ لائف نے فوری طور پر ایک ٹیم کو امام صاحب علاقہ روانہ کردیا۔ خبر تحریر کیے جانے تک محکمہ وائلڈ لائف کی جانب سے ریچھ کو ڈھونڈ نکالنے کی کوششیں جاری تھی۔
مزیر پڑھیں: دفعہ 370 کی منسوخی: جمہوریت اور جمہوری حقوق کا گلا گھونٹا گیا
