Man Died In Shopain شوپیاں میں آسمانی بجلی گرنے سے ایک شخص ہلاک

شوپیاں: جنوبی کشمیر کے پہاڑی ضلع شوپیاں میں آسمانی بجلی گرنے سے ایک شخص کی موت واقع ہوئی ہے۔مقامی لوگوں کے مطابق ضلع شوپیاں کے بدرہامہ علاقے میں اس وقت ایک شخص آسمانی بجلی گرنے سے ہلاک ہوگیا جب وہ اپنے باغیچوں میں سیب اتار رہا تھا۔
مقامی لوگوں نے بتایا کہ ہلکی بارشیں برسنے کے دوران اچانک آسمانی بجلی گری جس کی وجہ ایک شخص ہلاک ہوا ہے۔متوفی کی شناخت بشیر احمد پرے ولد عبدالرحمن پرے کے بطور ہوئی ہے۔

دریں اثنا پولیس نے واقعے کی تصدیق کرتے ہوئے کہا کہ اس ضمن میں ایک کیس درج کرکے تحقیقات شروع کی گئی۔