راجوری: جموں و کشمیر کے ضلع راجوری کے ڈانگری گاؤں میں نامعلوم بندوق برداروں نے فائرنگ کی جس میں چار افراد ہلاک ہوئے ہیں جب کہ 10 افراد زخمی ہوئے ہیں۔ جموں و کشمیر کے لیفٹیننٹ گورنر منوج سنہا جموں و کشمیر کے سیاسی پارٹیوں کے رہنماؤں نے اس واقعہ پر پٖرزور الفاظ میں مذمت کی۔Political leaders condemn Rajouri Attack
ایل جی آفس کی جانب سے کیے گئے ٹوئٹ میں لکھا گیا کہ اس حملے میں ہلاک ہونے والوں کو دس دس لاکھ روپے اور ایک سرکاری نوکری اور زخمیوں کو ایک لاکھ روپے دینے کا اعلان کیا گیا ہے۔ حکام کو زخمیوں کا بہترین علاج کرنے کی ہدایت دی گئی ہے۔ Political leaders condemn Rajouri Attack
پی ڈی پی سربراہ و سابق وزیر اعلی محبوبہ مفتی نے ٹوئٹ کرتے ہوئے اس بزدلانہ حملے کی مذمت کی اور مہلوکین کے اہل خانہ سے تعزیت کا اظہار کیا۔ انہوں نے لکھا کہ بی جے پی کی حکمرانی اور عسکریت پسندی کے خاتمے کے اس کے جھوٹے دعوؤں کے باوجود، تشدد بلا روک ٹوک جاری ہے۔ اگر جموں و کشمیر کی اپنی منتخب حکومت ہوتی تو یہیں میڈیا اسے بڑھا چڑھا کر پیش کرتا۔ Political leaders condemn Rajouri Attack
جموں و کشمیر کے سابق وزیر اعلیٰ عمر عبداللہ نے ٹویٹ کیا کہ جموں کے راجوری ضلع میں ٹارگٹ حملے کی مزید تفصیلات سامنے آنے پر بڑا دکھ ہوا۔ میں اس حملے کی مذمت کرتا ہوں اور ہلاک ہونے والوں کے اہل خانہ سے تعزیت کا اظہار کرتا ہوں۔ مجھے امید ہے کہ اس حملے میں زخمی ہونے والے جلد اور مکمل صحت یاب ہوں گے۔
ڈیموکریٹک آزاد پارٹی کے چیئرمین غلام نبی آزاد نے ٹویٹ کرتے ہوئے لکھا کہ میں ڈانگری، راجوری میں ہوئے حملے کی شدید مذمت کرتا ہوں جس میں 3 شہری ہلاک ہوئے ہیں۔ یہ بزدلی کا کام ہے۔ انہوں نے متاثرین کے لواحقین سے تعزیت کا اظہار کیا اور زخمیوں کی جلد صحت یابی کی دعا کی۔
وہیں سینیئر رہنما سجاد لون نے کہا کہ' ایک اور قتل، اس مرتبہ راجوری میں، میں اس بزدلانہ حملے کی مذمت کرتا ہوں اور اس حملے میں ہلاک ہونے والوں کے اہلخانہ سے میری تعزیت، اس حملے کو انجام دینے والے جہنم میں سڑیں گے۔
عوامی نیشنل کانفرنس نے راجوری کے ڈھنگری علاقے میں پیش آئے واقعے کو گھناؤنا اور انتہائی قابل مذمت قرار دیا ہے اور اس بات پر زور دیا ہے کہ جموں و کشمیر میں اس طرح کے تشدد سے 1989 سے لiکر اب تک کچھ حاصل نہیں ہوا ہے برعکس اس کے صرف بے گناہ خاندانوں کی ہلاکت اور تباہی کا باعث بنا۔
اے این سی اپنے جارہ کردہ بیان میں کہا ہے کہ متعدد لوگ تشدد کے اس نہ ختم ہونے والے چکر میں اپنی جان سے ہاتھ دھو بیٹھے۔ انہوں نے کہا کہ انتظامیہ کے دعوؤں کے برعکس یہاں کے حالات ہے۔
پارٹی کے سینئر نائب صدر مظفر شاہ نے عوام سے اپیل کی ہے کہ وہ چوکس رہیں اور ان لوگوں کے مذموم عزائم کو ناکام بنانے کے لیے اتحاد پیدا کریں جو جموں و کشمیر میں امن اور فرقہ وارانہ ہم آہنگی کو خراب کرنے پر تلے ہوئے ہیں۔ انہوں نے جموں و کشمیر کے لوگوں سے اپیل کی کہ وہ بحران کی اس گھڑی میں اتحاد اور یکجہتی کو یقینی بنائیں۔
یہ بھی پڑھیں : Rajouri Firing Incident راجوری میں فائرنگ سے چار افراد ہلاک، چھ زخمی
