جموں وکشمیر کے راجوری ضلع انتظامیہ اور ڈائرکٹر ٹورزم جے کے اے اے سی ایل سب آفس راجوری کے تعاون سے ڈائریکٹوریٹ آف ٹورزم کے زیراہتمام دو روزہ میگا کلچرل کم ٹورازم پروموشن فیسٹیول کا انعقاد عمل میں لایا گیا۔
مقامی ثقافت کو فروغ دینے اور ضلع راجوری میں سیاحوں کی آمد کو فروغ دینے کے لیے کلچرل پروگرام کیا گیا جبکہ اسے ڈاک بنگلو میں منعقد کیاگیا۔
اس موقع پر نسیم لیاقت ڈی ڈی سی راجوری، راجیش کے شرون اے ڈی ڈی سی، پورن کمار اے ڈی سی ، سچن دیو سنگھ اے سی آر، طاہر مصطفے ملک ایڈیشنل ایس پی اور دیگر موجود تھے۔
یہ بھی پڑھیں:سرینگر کو پالیتھن فری بنانے کے لیے لوگ اپنا تعاون پیش کریں: منوج سنہا
کلچرل کم ٹورزم فسٹیول میں بڑی تعداد میں لوگ شریک ہوئے ۔ پروگرام میں رامبن، ڈوڈا، ریاسی، جموں، رام بن، کٹھوعہ کے علاوہ ہماچل پردیش، پنجاب اور ہریانہ کے فنکاروں نے مظاہرہ کیا۔
فنکاروں نے سامعین کو اپنی پرفارمنس سے مسحور کیا جسے سامعین نے تالیاں بجاتے ہوئے سراہا۔ علاقائی اور ریاستی ثقافتی سطح کے کلچر کو بھی پیش کیا گیا۔ پروگرام میں زیادہ تر گوگری، پہاڑی، کشمیری، ڈوگری اور گڈی زبانوں کو مظاہرہ کیا گیا۔
نشہ مکت بھارت ابھیان کے تحت خصوصی ثقافتی آئٹم بھی پیش کیا گیا اور ضلع کو منشیات سے پاک بنانے کےلے لوگوں کو حلف دلایا گیا۔ اسسٹنٹ کمشنر فوڈ سیفٹی نے ایٹ اینڈ رائٹ مہم پر لیکچر دیا اور عوام کو مہم کے مختلف پہلوؤں سے آگاہ کیا۔ ایٹ رائٹ مہم کے موضوع پر ایک ناٹک بھی پیش کیا گیا۔ اس موقع پر فنکاروں نے کووڈ سے بچاو کے لیے بھی آگاہی پیدا کی۔
