جے پور: راجستھان کے ادے پور میں منگل کو ایک درزی کو دو افراد نے قتل کر دیا۔ اس معاملے میں ریاست کے وزیر اعلی اشوک گہلوت واقعہ کے تیسرے دن متوفی کنہیا لال کے گھر پہنچے اور ان کے اہل خانہ سے ملاقات کی۔ اس کے بعد دیر رات ادے پور رینج کے آئی جی ہنگلاجدان اور ایس پی منوج کمار دونوں کو ہٹا دیا۔ اب پرفل کمار ادے پور کے آئی جی ہوں گے، جب کہ ایس پی وکاس شرما کو مقرر کیا گیا ہے۔ IG Hinglajdan and SP Manoj Kumar in transfer
ساتھ ہی گہلوت حکومت نے مزید 10 اضلاع کے ایس پیز کا تبادلہ بھی کیا ہے۔ بتا دیں کہ ہنگلاجدان کو اب ہیومن رائٹس کی ذمہ داری سونپی گئی ہے۔ وہیں ادے پور میں لاپرواہی کے الزام میں ایس ایچ او گووند سنگھ اور اے ایس آئی بھنور لال کو معطل کر دیا گیا ہے۔
یہ بھی پڑھیں: Udaipur Murder: ملزمان کا یوپی کنکشن جاننے کے لیے راجستھان پہنچی یوپی اے ٹی ایس
ڈُنگر پور میں سدھیر جوشی کی جگہ راشی ڈوگرا ڈوڈی، کرولی میں شیلیندر سنگھ کی جگہ نارائن ٹوگس، دھول پور میں نارائن ٹوگس کی جگہ دھرمیندر سنگھ، اجمیر میں وکاس شرما کی جگہ چونارام جاٹ، سروہی میں دھرمیندر سنگھ کی جگہ ممتا گپتا، جھالاواڑ میں مونیکا سین کی جگہ ریچا تومر، چتوڑ گڑھ میں پریتی جین کی جگہ راجن دشینت، دوسا میں راج کمار گپتا کی جگہ پریتی جین اور پالی میں راجن دشینت کی جگہ گگندیپ سنگلا کو مقرر کیا گیا ہے۔
