دھول پور: کورونا متاثرین کی تعداد 12 ہوئی

راجستھان کے ضلع دھول پور میں ایک نئے کورونا مثبت مریض کے سامنے آنے کے بعد ضلع میں کورونا مریضوں کی تعداد بڑھ کر 12 ہوگئی ہے۔

ریاست راجستھان کے ضلع دھول پور میں کورونا کیسز میں مزید اضافہ ہوا ہے اور نہال گنج تھانہ علاقہ کے جرولی کا باشندہ گرمیت کور کورونا مثبت پایا گیا ہے جو پہلے سے ہی ضلع ہسپتال کے وارڈ میں داخل ہے۔

چیف میڈیکل اینڈ ہیلتھ افسر ڈاکٹر گوپال گوئل نے یہ اطلاع دی۔ انہوں نے بتایا کہ ضلع میں کورونا پازیٹیو کے مشتبہ مریضوں کے نمونے بھرت پور بھیجے گئے ہیں، جہاں سے مسلسل رپورٹ مل رہی ہیں۔ گزشتہ پانچ دنوں میں ضلع میں 12 کورونا پازیٹیو مل چکے ہیں۔