جے پور: ادے پور قتل کیس کی تحقیقات میں مصروف راجستھان پولیس کی اسپیشل انویسٹی گیشن ٹیم نے اب دعوت اسلامی سے وابستہ لوگوں کی شناخت اور ان سے پوچھ گچھ کے ساتھ ساتھ دعوت اسلامی کے فنڈنگ پیٹرن کی جانچ شروع کردی ہے۔ اب تک کی تحقیقات میں یہ بات سامنے آئی ہے کہ غوث محمد اور محمد ریاض عطاری دعوت اسلامی تنظیم سے وابستہ پاکستانی عوام سے 18 نمبر پر مسلسل بات کرتے تھے۔ Special Investigation Team of Rajasthan Police
ان نمبروں پر واٹس ایپ کال کے ذریعے بات کی جاتی تھی اور ان 18 نمبروں کے ساتھ ملک کی 25 ریاستوں کے تقریباً 300 لوگ بھی رابطے میں ہیں۔ جس کو لے کر ایس آئی ٹی نے مرکزی جانچ ایجنسی کو خط لکھ کر 25 ریاستوں کو الرٹ کرنے کو کہا ہے۔ ذرائع کے مطابق یوپی، مہاراشٹر، راجستھان، بنگال، ایم پی، بہار، گجرات اور کیرالہ کے لوگ پاکستان کے 18 نمبروں سے رابطے میں ہیں۔ ان میں سے ایک اجمیر درگاہ کے خادم گوہر چشتی بھی ہیں جنہوں نے 17 جون کو اشتعال انگیز نعرے لگائے اور فی الحال مفرور ہے۔
پاکستان کی دعوتِ اسلامی Dawat e Islami تنظیم بھارت کی مختلف ریاستوں میں اپنی جڑیں پھیلانے کے لیے کام کر رہی ہے اور اب تحقیقات میں جب یہ بات سامنے آئی ہے کہ 25 ریاستوں میں 300 لوگ اس تنظیم سے رابطے میں تھے۔ تحقیقاتی ایجنسیوں نے اب اس تنظیم کی فنڈنگ کے پیٹرن کی چھان بین شروع کر دی ہے۔ ان تمام پہلوؤں کی چھان بین کی جا رہی ہے کہ بھارت میں تنظیم سے متعلق سرگرمیوں کو چلانے کے لیے فنڈنگ کیسے کی جاتی ہے اور اسے کیسے خرچ کیا جاتا ہے۔ اس کے ساتھ اس بارے میں بھی معلومات اکٹھی کی جا رہی ہیں کہ 'یہ رقم تنظیم سے وابستہ لوگوں کے بینک کھاتوں میں ڈالی گئی ہے یا انہیں کسی اور طریقے سے منتقل کی گئی ہے۔'
یہ بھی پڑھیں: Udaipur Murder Case: ادے پور قتل معاملہ میں مزید چار ملزمان زیر حراست
کیس کی تحقیقات میں مصروف راجستھان پولیس کی ایس آئی ٹی اور مختلف سیکورٹی ایجنسیاں اب دعوت اسلامی کے واٹس ایپ گروپ اور اس سے جڑے لوگوں کی جانچ کر رہی ہیں۔ دعوت اسلامی کے مختلف واٹس ایپ گروپس میں کتنے لوگ جڑے ہوئے ہیں گروپ میں آنے والی چیزوں کو کتنے لوگوں تک پہنچاتے ہیں یا انہوں نے اپنا الگ گروپ بھی بنا رکھا ہے، ان گروپس میں کتنے لوگ شامل ہیں، ان تمام چیزوں کی چھان بین کے لیے۔ یہ معلومات واٹس ایپ ہیڈ کوارٹر سے مانگی گئی ہے۔
