راجستھان کے ضلع الور میں عالمی یوم صحت کے موقع پر آج ریلی نکال کر عالمی وبا کورونا سے احتیاط برتنے اور صحت کے تئیں بیدار رہنے کا پیغام دیا گیا۔
اس موقع پر ضلع کلیکٹر ننّو مل پہاڑیا نے گورنمنٹ راجیو گاندھی اسپتال کے چیف میڈیکل آفیسر (سی ایم او) کی قیادت میں منعقد ریلی کو راجیو گاندھی جنرل اسپتال سے ہری جھنڈی دکھا کر روانہ کیا۔ مسٹر پہاڑیا بھی پورے راستے ریلی میں موجود تھے۔
انہوں نے بازاروں کو دیکھا اور موقع پر ہی ضروری ہدایات دیں۔ راستے میں مدر ٹریسا ہوم میں کھانے کے لیے بھیڑ دیکھ کر کلیکٹر ناراض ہو گئے۔ انہوں نے مدر ٹریسا کی ناظم کو ہدایت دی کہ سماجی دوری پر عمل کیا جائے، ورنہ کھانے کے انتظام کو بند کر دیا جائے گا۔
انہوں نے بتایا کہ وزیراعلیٰ کی جانب سے پیٹ کے امراض سے نجات کے لیے یونیورسل ہیلتھ انسورنش پالیسی نافذ کی گئی ہے جس کا رجسٹریشن کیا جا رہا ہے۔ الور سمیت ریاست میں کورونا کیسز مسلسل بڑھتے جا رہے ہیں، لہٰذا ’سترک راجستھان‘ کا نعرہ دیا گیا ہے۔ سی ایم او کی جانب سے نکالی گئی ریلی میں ایک سلوگن دیا گیا ہے ’بیماری سے ڈریں، ٹیکے سے نہ ڈریں‘۔
یو این آئی
