پرتاپ گڑھ: راجستھان کے شہر اُدے پور میں کنہیا لال قتل کیس کے بعد مسلسل کارروائی کے ایک حصے کے طور پر این آئی اے اور اے ٹی ایس نے بدھ کی صبح مزید ایک شخص کو حراست میں لیا ہے۔ یہ ٹیم پرتاپ گڑھ ضلع کے پارسولہ میں دو دن سے جانچ کر رہی تھی۔ رپورٹس کے مطابق پرتاپ گڑھ ضلع کے پارسولہ کے رہنے والے خان رضا ولد شیر محمد کو حراست میں لے لیا گیا ہے۔ بتایا گیا ہے کہ اب این آئی اے ٹیم ملزم کو اپنے ساتھ جے پور لے کر جائے گی۔
این آئی کی جانب سے بتایا گیا کہ حراست میں لیا گیا نوجوان کنہیا لال قتل کیس کے مرکزی ملزم غوث محمد سے رابطے میں تھا۔ دونوں تقریباً دس برس سے ایکدوسرے کو جانتے ہیں۔ پارسولہ پولیس اسٹیشن کے افسر پرکاش چندرا نے بتایا کہ این آئی اے کے انسپکٹر وہاں پہنچے تھے اور انہوں نے خان رضا کو طلب کیا اور اسے حراست میں لے لیا۔ kanhaiyalal Murder Case
