جے پور: راجستھان کے دارالحکومت جےپور میں مسلم وقف بورڈ کی جانب سے مسلم مسافر خانہ تولیت کمیٹی کے حوالے سے ایک میٹنگ کا انعقاد کیا گیا۔ اس میٹنگ میں وقف بورڈ کے متعدد عہدیداروں نے شرکت کی ہے جبکہ مسلم تنظیموں کے عہدیداران میٹنگ ہال کے باہر تولیت کمیٹی کو ختم کرنے کے حوالے سے احتجاج کررہے ہیں۔ Muslim organizations protest during Waqf board meeting
اس حوالے سے راجستھان مسلم فیڈریشن کے عہدیداران کا کہنا ہے کہ موتی دونگری روڈ علاقہ میں واقع مسلم مسافر خانہ کمیٹی کو تا عمر کے لیے بنا دیا گیا ہے جو غلط ہے اور زندگی بھر غلط ہی رہے گا، اس لئے آج ہم تمام مسلم تنظیموں کے عہدیدران وقف بورڈ پہنچے ہیں اور یہاں پر ایک میمورنڈم چیئرمین کو دیا ہے۔
مزید پڑھیں:
انہوں نے کہا کہ میمورنڈم کے ذریعے ہم نے کمیٹی کو ختم کرنے کا مطالبہ کیا ہے اور امید کرتے ہیں کہ ہمارے مطالبات کی جانب توجہ دی جائے گی، اگر ایسا نہیں کیا گیا تو مسلم تنظیموں کی جانب سے بڑے پیمانے پر احتجاج کیا جائے گا۔
