اجمیر: راجستھان کے اجمیر میں واقع عالمی شہرت یافتہ خواجہ معین الدین چشتی کی درگاہ سے حضرت خواجہ فخرالدین چشتی کے لیے چادروں کا جلوس کا اہتمام کیا گیا۔ اس موقعے پر دوپہر حضرت خواجہ بزرگ کے مزار مبارک کی خدمت کے بعد درگاہ احاطہ نور کے احاطے میں صوفیانہ محفل کا اہتمام کیا گیا۔ اس میں شاہی قوال اختر حسین امجد حسین نے منقبت کا منظر پیش کیا۔ اس محفل میں انجمن سید زادگان اور انجمن شیخ زادگان کے خادم موجود تھے۔اس جلوس میں خواتین، بچوں، بوڑھوں اور جوانوں غرض یہ کہ سب نے شرکت کی۔ بڑی عقیدت کے ساتھ بیگمی دلان سے چادر کو جھنڈی دکھا کر روانہ کیا گیا۔ یہ چادر اتوار کو حضرت خواجہ غریب نواز رحمتہ اللہ علیہ کے صاحبزادے حضرت بابا فخرالدین چشتی رحمۃ اللہ علیہ کے سالانہ عرس کے موقعے پر چڑھائی جائے گی۔
یہ بھی پڑھیں:Web Series Suno Point to Zero Team: اداکار مصور حسین نے اپنی پوری ٹیم کے ساتھ کی بارگاہ میں حاضری دی
چادر درگاہ سے نظام گیٹ، نالہ بازار، مدار گیٹ سے ہوتی ہوئی اجمیر ریلوے اسٹیشن پہنچی، جہاں سے چادر کو سڑک کے راستے بس کے ذریعہ سرواڑ شریف بھیجا گیا۔ اس کے ساتھ ساتھ ہزاروں عقیدت مند بھی پیدل ہی سرواڑ شریف عرس کے لیے روانہ ہوئے۔ خادموں کی انجمن کی جانب سے حضرت خواجہ فخر الدین چشتی رحمۃ اللہ علیہ کی درگاہ میں یہ چادر کا جوس پہنچتا ہے۔ قدیم رسم و رواج کے مطابق چادر پوشی اور چشتیہ سلسلہ کا شجرہ پڑھا جاتا ہے۔ 6 شعبان کو عرس کے کل کی رسم ادا کی جائے گی جس میں ملک بھر سے کثیر تعداد میں زائرین شرکت کریں گے۔
