ریاست راجستھان کے شہر دھول پور میں ایک بیٹے نے اپنے ہی والد پر پستول سے حملہ کیا۔
دھول پور: ایک بیٹے نے اپنے باپ پر ہی فائرنگ کردی، ملزم بیٹا فرار
دھول پورشہر کے بھامتی پورا دواخانے پر ڈاکٹر ماہیش راٹھوڑ مریض کا چیک اپ کر رہے تھے، تبھی ان کا بیٹا آدتیہ وہاں پہنچ گیا جس بعد پسٹل سے اپنے والد پر فائر کر دیی۔ اس فائرنگ میں ڈاکٹر کو تو کچھ نہیں ہوا مگر پاس میں ہی بیٹھے مریض کے بچے کے پیر میں گولی لگ گئی۔ جس سے وہ زخمی ہو گیا۔
وہیں بتایا جا رہا ہے کہ آدتیہ نے اپنے والد ڈاکٹر ماہیش راٹھوڑ سے پچاس لاکھ اور ایک کار کی خواہش ظاہر کی تھی جسے ڈاکٹر مہیش نے پورا نہیں کیا۔
جس کا نتیجہ یہ ہوا کی آدتیہ نے اپنے والد کے دوا خانے پر پہنچ کر پستول سے فائرنگ کر دی۔
فی الحال پولیس نے موقع پر پہنچ کر معاملے سے تعلق لوگوں کے بیان لے کر آدتیہ کے خلاف مقدمہ درج کرلیا ہے اور فرار ملزم آدتیہ راٹھوڑ کی تلاش شروع کر دی ہے۔
