ضلع ترقیاتی کمشنر پلوامہ ڈاکٹر راگھو لنگر نے عوامی مسائل کا جائزہ لینے کے لیے ٹاون ہال ترال میں ایک عوامی دربار کا اہتمام کیا۔ عوامی دربار میں درجنوں عوامی وفود نے شرکت کی۔ اس دوران سڑک، بجلی، پانی اور دیگر مسائل پر ڈپٹی کمشنر کو توجہ دلائی۔'
ضلع ترقیاتی کمشنر نے عوامی مسائل کو حل کرنے کی یقین دہانی کرائی۔
میڈیا سے بات کرتے ہوئے ضلع ترقیاتی کمشنر پلوامہ ڈاکٹر راگھو لنگر نے بتایا کہ 'عوامی درباروں کا سلسلہ بلاک دیوس کی صورت میں شروع کیا گیا ہے۔ اس کی وجہ سے عوامی مسائل کو حل کرنے میں بہت مدد ملی ہے'۔
ضلع پلوامہ میں 'اجولا نام کی اسکیم' میں ہوئی بدعنوانیوں پر بات کرتے ہوئے کہا کہ' اس سلسلے میں پہلے ہی کیس درج کیا گیا ہے اور تحقیقات جاری ہیں'۔
اس موقع پر ایڈیشنل ڈپٹی کمشنر ترال شبیر احمد رینہ، ار اینڈ بی کے اشتیاق حسین اور دیگر آفیسرز بھی موجود تھے۔
