اونتی پور: ضلع انتظامیہ پلوامہ کی طرف سے آج گلزار پورہ اونتی پورہ میں ایک بلاک دیوس کا اہتمام کیا گیا۔ اس بلاک دیوس کی صدارت ضلع ترقیاتی کمشنر پلوامہ بصیر الحق چودھری نے کی،جبکہ اس موقع پر عوامی کی ایک بڑی تعداد کے علاوہ تمام سب ضلعی آفیسران نے شرکت کی۔ اس موقع پر مقامی دیہات گلزار پورہ، بیگ پورہ، ٹوکنہ، پدگام پورہ اور دیگر مضافات سے عوام کی ایک کثیر تعداد نے شرکت کی۔ اس موقع پر عوام نے اپنے اپنے مسائل متعلقہ محکموں کے سامنے رکھے،جن کو ترجیحی بنیادوں پر حل کرنے کی یقین دہانی کروائی گئی۔
ڈی سی نے وفود کو یقین دلایا کہ تمام حقیقی مطالبات کو کم سے کم وقت میں اور ترجیحی بنیادوں پر حل کیا جائے گا۔ انہوں نے مقامی باشندوں کی جانب سے پیش کئے گئے تمام سابقہ مسائل پر کارروائی کی رپورٹ طلب کی اور ان کی شکایات کے جلد ازالے کے لیے ہدایات بھی جاری کیں۔ اس موقع پر، ڈی سی نے کہا کہ اس طرح کے پروگرام ضلع بھر میں منصوبہ بندی کے عمل/ترقیاتی عمل کو نوجوانوں پر مرکوز کرنے کے لیے ثابت ہو رہے ہیں۔
مزید پڑھیں: Block Diwas رٹھسن کے پنچایت حلقہ چیوڈارہ میں بلاک دیوس کا انعقاد
اس موقع پر بصیر الحق چودھری، ڈسٹرکٹ ڈیولپمنٹ کمشنر (ڈی ڈی سی) پلوامہ نے اپنے خطاب میں کہا کہ پبلک آؤٹ ریچ پروگرام لوگوں کے ساتھ رابطے کو مضبوط بنانے کا ایک راستہ ہے۔انہوں نے کہا کہ یوم بلاک کے ایک حصے کے طور پر جمع ہونے والے لوگوں کے عوام کو گھر کی دہلیز پر انتظامیہ فراہم کرنا ان کا منشا ہے اور عوام کو چاہیے کہ وہ سرکاری اسکیموں کا فائدہ اٹھائیں تاکہ وہ معاشی، طور خود کفیل ہوں۔انہوں نے کہا کہ ضلع انتظامیہ عوام کی سہولیات کے لیے ہر طرح کی بنیادی سہولیات فراہم کرنے کے لیے وعدہ بند ہے اور عوام کو یہ سہولیات گھر بیٹھے فراہم کی جائیں گی۔
