ترال:اے ڈی سی ترال ساجد نقاش نے تحصیلدار ترال سجاد احمد اور دیگر عہدیداروں کے ساتھ نودل گاؤں کا دورہ کیا، تاکہ نودل تیرتھ یاترا کی تقریبات کا جائزہ لیا جا سکے جو کہ امرناتھ یاترا کے اختتام کے بعد ہر سال 3 ستمبر کو منائی جارہی ہے۔ ہندو عقیدت مندوں کی ایک بڑی تعداد ہر سال تیرتھ یاترا منانے کے لیے نودل گاؤں جاتے ہیں، جہاں وہ دن بھر پوجا پاٹھ میں حصہ لیتے ہیں۔
اپنے دورے کے دوران اے ڈی سی ترال نے یہاں اس تیرتھ یاترا کے حوالے سے کیے گئے انتظامات کو حتمی شکل دی اور یہاں پنڈت برادری کے ساتھ بات چیت کی۔ پنڈت برادری نے کیے جارہے انتطامات کو اطمینان بخش قرار دیتے ہوئے ترال انتظامیہ کا شکریہ ادا کیا۔
مزید پڑھیں:
- Amarnath Yatra 2023 Concluded امرناتھ یاترا 2023 اختتام پذیر، تھجی وارہ میں بڑی تقریب کا انعقاد
- Religious And Communal Harmony اننت ناگ کا اندر ناگ شیر باغ مذہبی ہم آہنگی کا اہم مقام
میڈیا کے ساتھ بات کرتے ہوئے اے ڈی سی ترال ساجد، نقاش نے بتایا کہ کل سالانہ تیرتھ یاترا کے حوالے سے پنڈتوں کے ساتھ ساتھ مسلم برادری بھی خیر مقدم کرنے کے لیے تیار ہیں اور کل آنے والے یاتریوں کے لیے کوئی بھی دقیقه فروگزاشت نہیں کیا جائے گا۔
