پونچھ : جموں و کشمیر کے پونچھ ضلع کے مینڈھر میں ایل او سی پر بارودی سرنگ کو ناکارہ بنایا گیا۔اطلاعات کے مطابق مینڈھر پونچھ میں ایل او سی پر پیر کے روز ایک بارودی سرنگ کا پتہ چلا جس کے بعد بم ڈسپوزل اسکارڈکو طلب کیا گیا۔معلوم ہوا ہے کہ بعد ازاں بی ڈی ایس اسکارڈ نے بارودی سرنگ کو ناکارہ بنایا۔
واضح رہے کہ کچھ روز قبل پونچھ میں ایل او سی پر بارودی سرنگ پھٹ گئی تھی۔ خوش قسمتی سے اس حادثے میں جانی نقصان کی کوئی اطلاع نہیں ہے۔ حکام نے بتایا کہ بارودی سرنگ دیگوار علاقے کے تروان گاؤں میں کھوکھری پوسٹ کے قریب پھٹ گئی۔ اس دوران وہاں موسلا دھار بارش ہورہی تھی۔ بارودی سرنگ میں دھماکے کی اطلاع ملتے ہی فوج کے جوانوں نے فوری طور پر علاقے کی تلاشی لی، تاہم عسکریت پسندوں سے متعلق ایسا کوئی مواد برآمد نہیں ہوا۔
مزید پڑھیں: Land mine Blast In Poonch پونچھ میں ایل او سی کے نزدیک زور دار دھماکہ
بتادیں کہ بارودی سرنگ کے دھماکوں نے گزشتہ چند دہائیوں کے دوران جموں، اور کشمیر میں سکیورٹی فورسز کے اہلکاروں اور عام شہریوں کی جانیں لی ہیں. وہیں ہزاروں لوگ ان دھماکوں کے بعد معذوری کی زندگی گزار رہے ہے۔ ایک اندازے کے مطابق پاکستان نے جموں و کشمیر کے سرحوں پر 1965 اور 1971 کی جنگوں میں ہزاروں بارودی سرنگیں بچھائی تھیں،اگرچہ یہ جنگیں ختم ہو چکی ہیں تاہم یہ بارودی سرنگیں آج بھی زمین کے نیچے دبے ہوئے ہیں اور جب بھی ان سرنگوں پر کوئی بھی قدم رکھتا ہے تو یا تو وہ عمر بھر کیلئے معذور ہو جاتا ہے یا موت کی آغوش میں چلا جاتا ہے۔اقوام متحدہ کی جنرل اسمبلی نے 8 دسمبر 2005 کو ہر سال 4 اپریل کو سرنگوں سے متعلق آگاہی کا عالمی دن منانے کا اعلان کیا۔
( یو این آئی کے ساتھ)
