ممبئی: این سی ای آر ٹی نے گاندھی جی کے قتل کے بارے میں موجود مواد کو بڑی ہی خاموشی سے ہٹا دیا ہے۔ ای ٹی وی بھارت کے نمائندہ نے اس سلسلے میں جب گاندھی جی کے پڑ پوتے تشار گاندھی سے بات کی اور ان کا ردعمل جاننے کی کوشش کی تو انہوں نے کہاکہ انہیں انکی منشاء پر کوئی تعجب نہیں ہوتا، اب چونکہ وہ بر سر اقتدار ہیں تو اسی بات کا انہیں گھمنڈ ہے، لیکن یہ نہیں بھولنا چاہیے کہ یہ جموریت ہے۔'
گاندھی جی کے پڑ پوتے تشار گاندھی نے کہاکہ گوڈسے پر لگا داغ تو کبھی دھل ہی نہیں سکتا، لیکن اسکے چھیٹے جن لوگوں کے دامن پر لگے ہیں وہ گذشتہ 75 برسوں سے اسے دھونے کی کوشش کر رہے ہیں، لیکن یہ آسان نہیں ہے، حقیقت کیا ہے اس بارے میں عوام کو سب کچھ پتہ ہے اسے جھٹلانا ناممکن ہے۔ انہوں نے کہا کہ آر ایس ایس کے اشارے پر یہ حکومت سب کچھ کر رہی ہے۔ انہیں جو صحیح لگتا ہے جو پسند آئیگا، ویسا گاندھی وہ ملک کی عوام تک پہنچانے کی کوشش کر رہے ہیں۔
انہوں نے کہا کہ ہمیں بیداری مہم کے ذریعے تعلیمی نظام کو مضبوط کرنا ہوگا، اس میں سیاست نہیں چلنے چاہیے، ان لوگوں نے ہر معاملے میں دخل دی، ہر جگہ سیاست ہورہی ہے۔ ہمیں سچ کا مظاہرہ کرنا ہوگا تاکہ انہیں انہیں ان کی حد پتہ چلے۔ انہوں نے کہا کہ گوڈسے کے دامن پر لگا قتل کا داغ اسے دھونا نہ ممکن ہے، لیکن اسکے چھیٹے جہاں جہاں ہیں اسے دھلنے کے لیے 75 برس سے کوشش کی جارہی ہے۔ انہوں نے ملک کی عوام سے کہا کہ حقیقت کو جانیں اور گمراہیوں سے بچیں۔ حقیقت کو سامنے لانے کے لیے بیداری مہم ضروری ہے۔'
مزید پڑھیں:
