یہ پیٹنٹ کالج کے انچارج پرنسپل ڈاکٹر ابوبکر باوزیر اور ڈاکٹر محمد حسن دہگان کی مشترکہ تحقیق پر دیا گیا ہے۔ انہوں نے ایک ہربل فارمولہ تیار کیا ہے۔ جو جِلد کے امراض کے لیے فائدہ مند ثابت ہوگا۔
سائنس اور تحقیق کے میدان میں اورنگ آباد شہر منفرد شناخت رکھتا ہے۔ شہر کے اطراف و اکناف میں جڑی بوٹیوں کا خزانہ پوشیدہ ہے ۔
مقامی جڑی بوٹیوں کی مدد سے شہر کے ریسرچ اسکالرس ڈاکٹر ابو بکر سالم باوزیر اور ان کے گائیڈڈ محمد حسن نے سنہ 2008 سے 2014 کے درمیان ریسرچ کرکے ایک ہربل فارمولہ تیار کیا جیسے سائنسی اصطلاح میں A TOPICAL ANTIMICROBIAL HERBAL FORMULATION جیل کہا جاتا ہے۔
ڈاکٹر ابوبکر کا کہنا ہے کہ یہ تحقیق خالص مقامی جڑی بوٹیوں پر کی گئی ہے اور اس کی افادیت یہ ہیکہ اس کے استعمال سے مضر اثرات کی کوئی گنجائش نہیں ہے ۔
اورنگ آباد کے وائی بی چوہان کالج آف فارمیسی میں ہی یہ ریسرچ مکمل ہوئی اور تمام طبی مرحلوں سے گزرنے کے بعد حکومت کی جانب سے اس جیل فارمولے کو حکومت ہند سے پیٹنٹ ملا ہے۔
ڈاکٹر باوزیر کا کہنا ہے کہ مستقبل قریب میں اس جیل کو بازاروں میں پیش کیا جائےگا۔ تاکہ زیادہ سے زیادہ لوگ اس سے استفادہ کر سکے۔
اورنگ آباد کی سرزمیں کو صوفیاء اکرام کی اور بزرگان دین کی سرزمین کہا جاتا ہے اس کے مضافات میں ایسے پیڑ پودے اور جڑی بوٹیاں یا وہ فارغ ارم مقدار میں دستیاب ہے جو انسانی زندگی کے لیے کارآمد اور فائدہ مند ہوسکتی ہے اور اس سے اس سے نہ صرف ثابت کیا ہے بلکہ ایک ایسی راہ ہموار کر دی ہے جو ریسرچ اسکالرز کے لئے مشعل راہ ثابت ہو سکتی ہے۔
