اورنگ آباد: عازمین حج کی دشواریوں کو دور کرنے اور انہیں ہر ممکن تعاون کے لیے اورنگ آباد شہر میں ایک اور حج خدمت کمیٹی قائم کی گئی ہے۔ اس نئی خدمت حجاج کمیٹی میں شہر کے نامور افراد شامل ہیں جن میں بیوپاری، صنعت کار، تعلیمی شعبہ سے وابستہ افراد اور سیاسی لیڈران شامل ہیں۔ نئی حج کمیٹی کا نام مہاراشٹر خدمت حجاج کمیٹی دو ہزار تیئس رکھا گیا ہے۔ نئی کمیٹی کے ارکان دعوی ہے کہ کمیٹی کی تشکیل کا مقصد عازمین حج کو سہولیات فراہم کرنے کے علاوہ کچھ نہیں ہے۔ نئی کمیٹی نے شہر کے دو مختلف علاقوں میں حج فارم بھرنے کے لیے دو آفس قائم کیے ہیں۔ ان کا کہنا ہے کہ شہر کی آبادی میں بے پناہ اضافہ ہو گیا ہے اور خدمت حجاج کمیٹی کے دفتر میں جگہ کی تنگی کی وجہ سے عازمین کو کافی دشواریوں کا سامنا کرنا پڑ رہا ہے۔ نئی حج کمیٹی کے ممبران نے یہ دعوی بھی کیا کہ جلد ہی اورنگ آباد میں قائم حج ہاؤس کا افتتاح عمل میں آئے گا اور اس سال حج ہاؤس سے ہی عازمین حج روانہ ہوں گے۔ واضح رہے کہ اورنگ آباد میں حج ہاؤس کی عمارت پوری طرح سے تیار ہے لیکن فرنیچر کی سہولت نہیں ہونے اور عمارت کا افتتاح نہیں ہونے سے حج ہاؤس خالی پڑا ہوا ہے۔
- یہ بھی پڑھیں: Shivaji Birth Anniversary In Maharashtra باحجاب لڑکیاں بھی شیواجی مہاراج کی جینتی تقاریب میں پیش پیش
نئی خدمت حجاج کمیٹی کے ممبران کا کہنا ہے کہ اورنگ آباد شہر میں آبادی میں بے تحاشا اضافہ ہو رہا ہے اور پرانے حجاج کمیٹی کے دفتر میں اتنی جگہ نہیں ہے کہ حاجی طویل وقت تک آفیس اِس میں بیٹھ سکے اور آفس میں جگہ کی بھی کمی ہے جس کی وجہ سے ہم نے عوام کی پریشانی کو دیکھتے ہوئے شہر میں دو آفس بنائے گئے جس میں حاجیوں کے فارم بھرے جائیں گے ساتھ ہی اس نئی کمیٹی کے ممبران کا کہنا ہے کہ اس خدمت حجاج کمیٹی سے پیسے کمانا ہمارا مقصد نہیں ہے بلکہ کہ حج پر جانے والے حاجیوں کی بے لوث خدمت کرنا ہے تاکہ اللہ تعالی ہمیں اس کا اجر دے۔ اس نئی حج خدمت کمیٹی کا دفتر مسلم اکثریتی علاقے آزاد چوک کے قریب بنایا گیا ہے جس میں اسٹاف بھی رکھا گیا ہے تاکہ وہ حاجیوں کے فارم بھر سکیں ساتھ ہی حج کمیٹی کے ذمہ داران کا کہنا ہے کہ اس سال سے ہی اورنگ آباد حج ہاؤس سے حاجیوں کو روانہ کرنے کی کوشش کی جائیگی۔
