مدھیہ پردیش کے اندور کے قریب بڑوں آنی کے راج گھاٹ سے نرمدا ندی پار کرنے والی کشتی میں بجلی پھیلنے جانے سے پانچ میں سے دو افراد کی موت ہو گئی جبکہ دیگر تین افراد شدید طور پر زخمی ہو گئے۔
واضح رہے کہ سردار سروور باندھ کی وجہ سے کئی گاؤں پانی کی زد میں آ چکے ہیں۔ بڑوں وانی کے راج گھاٹ گاؤں میں بیک واٹر کی وجہ سے جزیرے پر رہنے کے لیے مجبور خاندانوں کو حکومت نے کشتی کی سہولت فراہم نہیں کی جس کی وجہ سے گاؤں والوں نے خود ہی کشتی تیار کی ۔
آج راج گھاٹ سے چند افراد نرمدا ندی پار کر رہے تھے تب بیک واٹر کی وجہ سے کشتی میں بجلی پھیل گئی جس سے دو کی موت اور تین شدید زخمی ہوگئے۔
نرمدا بچاؤ آندولن کی کارکن میدھا پاٹکر نے کہا کہ گجرات اور دہلی مل کر جو پانی بھر رہے ہیں اس کے خلاف مدھیہ پردیش کو آواز اٹھانا چاہیے۔ راج گھاٹ میں بحالی کے لیے جو خاندان رہتے ہیں۔ ان کے لیے نرمدا پار کرنے کے لیے حکومت نے کوئی سہولت فراہم نہیں کی تھی اور جو کشتیاں تھیں، اس کو حکومت ضبط کرتی رہی جس کی وجہ سے گاؤں والوں نے چھوٹی کشتیاں بنائیں۔'
ایم پی آئی بی نے کہا کہ 'بجلی کاٹی گئی تھی لیکن آج جب بجلی آئی تو پانی میں پھیل گئی جس کی زد میں کشتی بھی آ گئی۔ اس حادثے میں دو افراد ہلاک اور تین زخمی ہو گئے۔'
