بھوپال: بی بی ایم گروپ کی جانب سے ویکسینیشن کیمپ کا انعقاد

ریاست مدھیہ پردیش کے دارالحکومت بھوپال میں شروع ہوئی ویکسینیشن مہم میں اب مسلم تنظیمیں بھی بڑھ چڑھ کر حصہ لے رہی ہیں۔ مسلم تنظیم بی بی ایم گروپ بردرہوڈ فور مسلم نے بھی آج ویکسینیشن کیمپ کا انعقاد کیا۔

ریاست مدھیہ پردیش میں شروع ہوئے مہا ویکسینیشن مہم کو اب کامیابی مل رہی ہے-

ریاست کے دارالحکومت بھوپال کی مسلم تنظیمیں بھی اس ویکسینیشن مہم میں بڑھ چڑھ کر حصہ لے رہی ہیں۔

بھوپال کی مسلم تنظیم بی بی ایم گروپ نے بھی بھوپال کے جہانگیر آباد علاقے میں ویکسینیشن کیمپ کا انعقاد کیا ۔

تنظیم کے ذمہ دار کے مطابق یہ ان کا دوسرا کیمپ ہے ۔اور لوگ بڑی تعداد میں ویکسین لگا رہے ہیں۔

اس ویکسینیشن مہم میں اب مسلم طبقہ بھی اپنی بیداری کا ثبوت دیتے ہوئے ویکسین لگوا رہا ہے-

واضح رہے کہ 21 جون سے 30 جون تک چلنے والے اس مہا ویکسینیشن کیمپ میں پہلے ہی روز سے کامیابی مل رہی ہے۔

لوگوں کے درمیان یہ باتیں گشت کر ہی تھیں کہ مسلم طبقہ ویکسینیشن میں حصہ نہیں لے رہا ہے۔

مگر جس طرح اس ویکسینیشن مہم میں مسلم طبقہ ویکسینیشن مہم میں حصہ لے رہاہے اس سے غلط فہمیوں کا خاتمہ ہوا ہے ۔