ضلع کپوارہ میں محکمہ ٹرانسپورٹ نے ٹریفک قوانین کی خلاف ورزی کرنے والوں کے خلاف کارروائی کرتے ہوئے متعدد ڈرائیوروں پر جرمانہ عائد کیا۔
ٹریفک عملہ نے تفصیلات فراہم کرتے ہوئے کہا کہ ٹریفک قوانین اور ایس او پیز کی خلاف ورزی کرنے والے ڈرائیوروں کے خلاف کارروائی کی گئی، انہوں نے کہا کہ مختلف روٹس پر چل رہی سات گاڑیوں کے روٹ پرمٹ (Route permit) منسوخ کیے گئے۔
اس کے علاوہ مقررہ ریٹ لسٹ سے زیادہ کرایہ وصول کرنے والے ڈرائیوروں کو متنبہ کرتے ہوئے مسافرین سے زیادہ کرایہ وصول کرنے سے گریز کرنے کی اپیل کی گئی۔
مزید پڑھیں: ہندوارہ: انسداد منشیات کا عالمی دن پر ریلی
ٹریفک عملہ نے مسافر بردار گاڑیوں کے ڈرائیوروں کو وضع کیے گئے رہنما خطوط خصوصاً سماجی دوری پر من و عن عمل کرنے کی تلقین کی۔
انہوں نے کہا کہ ایس او پیز اور ٹریفک قوانین کی خلاف ورزی کرنے والے افراد کے خلاف سخت کارروائی عمل میں لائی جائے گی۔
