ریاست کرناٹک کے شہر گلبرگہ کے ٹیپو چک میں پی ایف آئی کی جانب سے آر ایس ایس اور بجرنگ دل کے خلاف احتجاج کیا گیا۔اس موقع پر پی ایف ائی کے رکن شاہد نصیر نے کہا کہ ملک کے متعدد صوبوں کے مختلف علاقوں میں آئے دن مسلمانوں پر ظلم و ستم کے پہاڑ توڑے جارہے ہیں،آر ایس ایس،بجرنگ دل ہر ہندو مذہب کے تہوار کے مواقع پر بلا وجہ مسلمانوں کو نشانہ بناتے ہیں،ان پر حملہ کرتے ہیں،PFI Protests Against Anti Muslim Violence Stop Attacks On Muslims Tipu Sultan Chowk Ring Road
انہوں نے مزید کہا کہ گزشتہ دنوں رام نوی تہوار کے موقع پر ملک کے کئی ریاستوں میں مسلمانوں پر حملے کئے گئے۔ مساجد کے سامنے زبردستی سے ڈی جے لگاکر گانا گایا گیا۔ مگر پولیس نے ان کے خلاف کوئی قانونی کارروائی نہیں کی۔
مزید پڑھیں:جےپور: تریپورہ میں پُرتشدد واقعات کے خلاف پی ایف آئی کا احتجاج
انہوں نے مزید کہا کہ ملک میں صرف مسلمانوں پر ہی زیادتی ہورہی ہے، آرایس ایس اور بجرنگ دل کے کارکنان ہندو اور مسلمان کے درمیان نفرت پیدا کرنے کی کوشش کر رہے ہیں۔ ہندو تہوار کے موقع پر مسلمانوں کو نقصان پہنچانے کی کوشش کی جارہی ہے۔ انہوں نے کہا کہ فرقہ پرست عناصر کے خلاف سخت کارروائی کرنی چاہیے۔
