دلت سنگھرش سمیتی کی جانب سے اجلاس کا انعقاد

ریاست کرناٹک کے ضلع یادگیر میں واقع والمیکی بھون میں ڈی ایس ایس سمیتی کی جانب سے آج ایک اجلاس کا انعقاد کیا گیا۔

اس دوران ٹیپو سلطان یوتھ کمیٹی کے ریاستی صدر ارشد دکنی نے اپنے خطاب میں کہا کہ مرکزی اور ریاستی حکومت جمہوریت اور قانون کے خلاف پالیسیوں کو نافذ کرکے ملک کے عوام میں بے چینی پیدا کر رہی ہے۔

انہوں نے کہا کہ غیر ضروری زرعی قوانین نافذ کرکے مرکزی حکومت کسانوں کو پریشان کررہی ہے، انہوں نے کہا کہ مرکزی حکومت کو چاہیے کہ وہ اس قوانین پر ایک بار پھر سے غور کرے۔

اس موقع سے دلت سنگھرش سمیتی کے ریاستی صدر ساگر کے علاوہ ضلع یادگیر کے تعلقہ شورا پور، وڈگرہ، ہنسگی، شاہ پور، گرمٹکل تعلقہ جات کے دلت سنگھرش سمیتی کے دیگر ذمہ داران نے مہمان خصوصی کے طور پر شرکت کی۔