بیدر:ریاست کرناٹک کے بیدر ضلع میں الماس فاؤنڈیشن بیدرکے صدرمفتی غلام یزدانی نے کہاکہ پردہ اور حیا عورت کا زیور ہے۔ پردہ کرنا عورت کے لیے فرض ہے جیسے نماز، روزہ فرض ہے۔ ایسے پردہ عورت کے لیے فرض ہے۔ نامحرم سے عورت کو پردہ کرنا ضروری ہے۔ اگر عورت پردہ نہیں کرے گی تو وہ عورت اللہ کی نظر میں گنہگار ہو جاتی ہے۔
انہوں نے کہ عورت کے لیے پردہ ضروری ہے۔عورت کو خطرات ہوتے ہیں ۔اگر عورت تین دن سے زائد بغیر محرم کے سفر کرے گی تو عورت گنہگار ہوگی قدم قدم پہ اسے گناہ ملے گا۔
ان کا کہنا ہے کہ حدیث کی ہر کتاب میں ہے کہ رسول اللہ صلی اللہ علیہ وسلم نے فرمایا عورت بغیر محرم کے تین دن سے زیادہ کی مسافت کا سفر نہیں کر سکتی ۔اگر سفر کرے گی تو وہ عورت کا سفر گناہ کا سفر ہوگا۔ ہر قدم پہ اسے گناہ ملے گا۔
انہوں نے مزید کہا کہ حج عمرہ ایک مقدس سفر ہے۔خواتین کو اس بات کا خیال رکھنا چاہئے کہ قرآن میں کیا ہے۔قرآن میں جو باتیں ہیں وہ روز قیامت تک کے لئے ہے۔تو پھر آپ کیسے بغیر محرم کے ساتھ سفر کر سکتی ہیں۔ سعودی گورنمنٹ نے اجازت دی یے۔ ہندوستان کی حکومت نے اجازت دی ہے لیکن اللہ نے اجازت نہیں دی ۔
یہ بھی پڑھیں:بچوں میں مضبوط کردار کی تعمیر میں والدین کی شمولیت ضروری ہے: مولانا ظہیرالدین قادری
مفتی غلام یزدانی نے کہا کہ آج کل ایک رواج چل پڑا ہے بہت ساری عورتیں عمرے کے گروپ سے حج عمرہ کے لیے جا رہے ہیں اور دلیل یہ دے رہے ہیں کہ اب تو امن ہے اب تو وہ پہلے جیسا خطرہ نہیں رہا، شریعت کا حکم قیامت تک کے لیے ہے امن ہو یا نہ ہو۔ عورت کے لیے بتایا گیا ہے کہ وہ اپنے محرم کے ساتھ سفر کرے اللہ کے بعد بڑا محافظ اللہ تعالی نے اس کے محرم کو بنایا ہے اس لیے بغیر محرم کے عورت سفر نہیں کر سکتی ۔
