جموں:جموں میں ڈیوٹی کے دوران لاپرواہی برتنے پر دو پولیس اہلکاروں کو معطل کر دیا گیا ہے۔ ایس ایس پی جموں ڈاکٹر ونود کمار نے دونوں پولیس اہلکاروں کو معطل کرنے کا حکم جاری کیا ہے۔
تفصیلات کے مطابق پولیس افسران کی ایک ٹیم رات کو معمول کی چیکنگ ڈیوٹی پر گئی تھی۔ اس دوران پولیس چوکی چنور پر پولیس کی ایک گاڑی لاوارث پائی گئی، جبکہ رات کی ڈیوٹی کے لیے تعینات پولیس اہلکار اپنی ڈیوٹی میں غفلت برتتے پائے گئے۔
اس پر ایس پی جموں نے فوراً کارروئی کرتے ہوئے ایس جی سی ٹی جگدیش راج EXJ 075511 اور وسیم اکرم EXJ 185434 کو فوری طور پر معطل کر دیا گیا ہے۔
مزید پڑھیں:
ایس ایس پی جموں ڈاکٹر ونود کمار نے کہا کہ ڈیوٹی میں لاپرواہی برداشت نہیں کی جائے گی۔ ایسا کرنے پر پولیس اہلکاروں کے ساتھ محکمے کے مقرر کردہ اصولوں کے مطابق سختی سے نمٹا جائے گا۔
