جی ایم سی کے پرنسپل نے کہا کہ 'وبائی مرض ہم سبھی کے لیے ایک غیر متوقع چیلنج کے طور پر سامنے آیا ہے۔ بنیادی ضرورت، عوام اور صحت کے نظام کے مابین اعتماد پیدا کرنا ہے'۔
ڈاکٹر ششی نے کہا کہ 'کووڈ-19 کے مریضوں کی تعداد میں اضافہ ہونے کے ساتھ ساتھ انتظامیہ فرنٹ لائن کے کارکنان کی تعداد میں اضافے کے علاوہ سہولیات، ساز وسامان، بنیادی ڈھانچے کو بھی فروغ دے رہی ہے۔ ہمارے ہیلتھ ورکرز 24 گھنٹے کام کر رہے ہیں اور ہم عوام کی خدمت کے لیے پوری کوشش کر رہے ہیں۔
جی ایم سی کے پرنسپل نے مریضوں اور ان کے اہل خانہ سے ہمدردی کا اظہار کیا اور کہا کہ 'جموں میڈیکل کالج اسپتال میں انتہائی نگہداشت کے بیڈس کی تعداد میں اضافہ ہوا ہے اور وہ 700 سے زائد کووڈ مریضوں کا علاج کر رہے ہیں، جبکہ ہلکے اور اعتدال پسند علامات کے مریضوں کی دیکھ بھال کووڈ صحت مراکز اور کووڈ کیئر سنٹرز میں کی جا رہی ہے۔
ڈاکٹر ششی نے کہا کہ 'اب وقت آگیا ہے کہ چیلنج کا مقابلہ کریں اور مناسب رویہ اختیار کریں، جس میں ماسک پہننا، ہاتھ دھونا اور معاشرتی فاصلے کو برقرار رکھنا شامل ہے۔ انہوں نے کہا کہ 'صرف انفیکشن کے پھیلاؤ کو ختم کرکے ہم آسانی سے اس وبا پر کنٹرول کر سکتے ہیں'۔
انہوں نے عوام سے اپیل کی کہ 'وہ عمر کے مطابق کووڈ ویکسین لیں۔ ان کا کہنا تھا کہ 'ہم عوامی تعاون کے بغیر کوڈ کے خلاف اپنی لڑائی کو جاری نہیں رکھ سکیں گے۔ لوگوں کو ویکسین دینے اور احتیاطی تدابیر اختیار کرنے کی ضرورت ہے۔ یہی واحد طریقہ ہے جس سے ہم کووڈ کو شکست دے سکتے ہیں'۔
