جموں: ایکسچینج فار میڈیا گروپ کی جانب سے 40 انڈر 40 میڈیا ایوارڈس 2022 کے لیے انجمن اردو صحافت کی طرف سے رپورٹر محمد اشرف گنائی اور رپورٹر میر فرحت مقبول (ای ٹی وی بھارت، جموں نمائندہ)، اعجاز احمد ڈار (تعمیل ارشاد ملی میڈیا) اور بشارت رشید کو حتمی فہرست میں شامل کرنے پر انجمن اردو صحافت نے تینوں صحافیوں کو مبارکباد پیش کرتے ہوئے امید ظاہر کی ہے کہ یہ اصحاب صحافتی اصولوں اور اقدار کی راہ پر گامزن رہیں گے۔ انجمن اردو صحافت کے سرپرست اعلیٰ حامد حمید صاحب، صدر ریاض احمد ملک، نائب صدر عشرت حسین بٹ اور جنرل سیکریٹری بلال فرقانی کے علاوہ منتخب نظم، کور گروپ اور جملہ ارکان تینوں اشخاص کو دل کی اتھاہ گہرائیوں سے مبارکباد پیش کرتے ہوئے ان کے روشن مستقبل کے لیے دعا گو ہیں۔
یہ بھی پڑھیں:
انجمن اردو صحافت نے اپنے پیغام میں مزید کہا کہ انجمن اردو صحافت جموں وکشمیر اردو صحافت سے وابستہ صحافیوں کو صحافت کے میدان میں اعلیٰ مقام پر دیکھنے کی منتظر رہتی ہے۔ اس تقریب کا انعقاد 29 ستمبر 2023 کو دہلی کے انٹرنیشنل سینٹر لودھی روڈ میں دن کے 12 بجے ہورہا ہے، جہاں پر 40 صحافیوں کو اعزازات سے نوازا جائے گا اور اس موقع پر ملک کی اردو صحافت کی نامور شخصیات ان صحافیوں کو اعزازات سے نوازیں گی۔ جموں وکشمیر میں اردو صحافت سے وابستہ صحافیوں ونامہ نگاروں کی تنظیم ’ انجمن اردو صحافت ‘ جموں وکشمیر میں سب سے بڑی صحافیوں کی تنظیم ہے اور جموں وکشمیر کے ہر ایک ضلع میں ان کے ارکان ہیں اور یہ اردو صحافیوں کی فلاح و بہبود کے لیے کام کرتی ہے۔
