کولگام میں پولنگ بوتھ پر کوئی بھی پولنگ ایجنٹ موجود نہیں

جموں و کشمیر میں جاری ضلع ترقیاتی کونسل اور بلدیاتی انتخابات کے چوتھے مرحلے کے تحت آج کولگام میں بھی ووٹ ڈالے گئے۔

ضلع کولگام میں ووٹنگ کی شرح 1 بجے تک 37.86 فیصد رہی۔ وہیں کاترسو میں قائم گوریمنٹ اسکول میں اگرچہ سات پولنگ مراکز قائم کیے گیے تاہم اس مرکز میں کوئی پولنگ ایجنٹ موجود نہیں تھا اور اس طرح سے 1117 ووٹرز میں سے صرف 9 افراد نے حق رائے دہی کا استعمال کیا۔

دراصل رواں برس مذکورہ گاؤں میں بنگال کے رہنے والے کئی مزدور پیشہ افراد کا قتل عام ہوا تھا جس کی وجہ سے یہ علاقہ حساس مانا جاتا ہے ۔

وہیں ذرائع سے یہ بھی خبر آرہی ہیں کہ اسطرح کے کئی پولنگ مراکز ہیں جہاں ووٹوں کی شرح کم ہوئی ۔