گاندربل:مرکز کے زیر انتظام یوٹی جموں و کشمیر کے ضلع گاندربل میں پولیس کی جانب سے سیوک ایکشن پروگرام کے تحت فٹبال ٹورنامنٹ کا انعقاد کیا گیا۔فائنل میچ میں شالہ بگ فٹبال کمیونٹی نے حیدریہ ایف سی تلمولہ کو شکست دے کر ٹورنامنٹ اپنے نام کر لیا۔

ٹورنامنٹ کے گرینڈ فائنل کی صدارت ایس ایس پی گاندربل شری نکھل بورکر نے کی۔ ایس ایس پی گاندربل نے ٹورنامنٹ میں حصہ لینے پر تمام ٹیموں کی تعریف کی۔ خاص طور پر دونوں ٹیموں کو گرینڈ فائنل کھیلنے پر مبارکباد دی گئی۔ انہوں نے ضلع کے نوجوان اور ابھرتے ہوئے کھلاڑیوں پر زور دیا کہ وہ اپنے ذہنوں کو فٹ بال، والی بال اور دیگر کھیلوں کے ذریعہ اپنے خیالات کو تلاش کریں۔

یہاں یہ بات قابل ذکر ہے کہ یہ گاندربل پولیس کی طرف سے لگاتار دو سالوں میں منعقد ہونے والا فٹ بال ٹورنامنٹ کا دوسرا دور تھا۔ افتتاحی میچ 14 نومبر کو کھیلا گیا، اور ٹورنامنٹ میں ضلع کے مختلف علاقوں سے تعلق رکھنے والی کل 08 ٹیموں نے بڑے جوش و خروش کے ساتھ حصہ لیا۔

یہ بھی پڑھیں:اننت ناگ میں فٹبال چمپئن شپ کا انعقاد

انہوں نے کہاکہ گاندربل پولیس نے نوجوانوں میں کھیلوں کی ترقی کے لیے ضلع میں والی بال ٹورنامنٹ اور دیگر ہم نصابی سرگرمیوں جیسے مختلف کھیلوں کے پروگراموں کا انعقاد کیا۔ اس طرح کی تقریبات کے انعقاد کا بنیادی مقصد بھائی چارہ، محبت اور امن کو فروغ دینا اور نوجوانوں کو منشیات اور سماجی برائیوں کی لعنت سے دور رکھنا ہے۔