اپنی پارٹی کے ضلع صدر اننت ناگ عبدالرحیم راتھر نے اننت ناگ کی عوام کو نئے سال کے آمد کی مبارکباد دی۔
انہوں نے کہا کہ وہ دعاگو ہیں کہ نیا سال ریاست کی امن ترقی اور خوشحالی کا پیغام لے کر آئے۔
حالیہ ضلع ترقیاتی کونسل انتخابات کے بارے میں پوچھے گئے ایک سوال کے جواب میں راتھر نے کہا کہ ان انتخابات میں اپنی پارٹی کی اچھی کارکردگی رہی جسے وہ پوری طرح متمئن ہیں۔
کووڈ19 کی وجہ سے پیدا شدہ حالات اور قلیل وقت کی وجہ سے وہ زیادہ لوگوں تک نہیں پہنچ پائے۔
اس کے باوجود ضلع ترقیاتی کونسل انتخابات میں اپنی پارٹی نے دیگر بڑی سیاسی جماعتوں کے مقابلہ میں اطمینان بخش کار کردگی کا مظاہرہ کیا۔
راتھر نے کہا کہ انہیں امید ہے کہ اپنی پارٹی کے نو منتخب ممبران لوگوں کی خدمت اور ان کے علاقوں کی ترقی اور خوشحالی کے لیے ایمانداری اور غیر جانبدارانہ طریقہ کار کے مطابق کام کریں گے۔
