جموں وکشمیر کی سابق وزیر اعلیٰ محبوبہ مفتی کو آج صبح جموں و کشمیر انتظامیہ نے گھر میں نظر بند کردیا جس کے بعد ردعمل کا سلسلہ جاری ہے۔
ای ٹی وی بھارت سے بات کرتے کرتے ہوئے پی ڈی پی ترجمان طاہر سعید نے بتایا کہ جو بھی سیاسی یا انتظامی کاروائی آج کی جارہی ہے وہ ڈی ڈی سی انتخابات سے منسلک ہے۔
انہوں نے ٹویٹ کیا کہ انکو پھر سے غیر قانونی طریقے پر گھر میں محروس کیا گیا ہے۔
انہوں نے کہا کہ وہ پی ڈی پی لیڈر وحید پرہ کے ضلع پلوامہ کے نائرہ گاؤں میں واقع رہائش گاہ پر ان کے اہل خانہ سے ملنے کے لیے جارہی تھی لیکن جموں و کشمیر انتظامیہ نے انہیں جانے سے روک دیا ہے۔
انکا کہنا تھا کہ بی جی پی کے وزراء اور ان کے کارکنان کو ہر مقام پر جانی کی اجازت ہے لیکن سیکیورٹی کا بہانہ بنا کر انہیں نظر بند کیا جاتا ہے ۔
قابل ذکر ہے کہ پی ڈی پی نوجوان لیڈر وحید پرہ کو این آئی اے نے منگل کو دلی طلب کرکے وہاں گرفتار کیا تھا اور انکو آج جموں کی این آئی اے عدالت میں پیش کیا جارہا ہے۔
این آئی اے نے وحید پرہ پر الزام عائد کیا ہے کہ وہ دیوندر سنگھ اور حزب المجاہدین کے کمانڈر نوید بابو کے کیس میں ملوث ہے۔
وہیں محبوبہ مفتی گزشتہ کئی دنوں سے ضلع ترقیاتی کونسل انتخابات کی مہم کے سلسلے میں جنوبی کشمیر کا دورہ کر ہی تھی۔
