ضلع بڈگام کے کورٹ کمپلیکس میں اٹھارہ سال سے چوالیس سال عمر کے افراد کے لئے چلائے گئے خصوصی ویکسینیشن مہم کے موقع پر
سی ایم او بڈگام ڈاکٹر تجمل حسین کے علاوہ پرنسپل ڈسٹرکٹ اینڈ سیشن جج محمد اشرف ملک، ڈسٹرکٹ لیگل سروسز کی سکریٹری فوزیہ پال اور بی ایم او بڈگام ڈاکٹر اے جی رینہ بھی موجود رہے.
اس موقع پر پرنسپل ڈسٹرکٹ اینڈ سیشن جج کورٹ کے ملازموں کی ستائش کرتے ہویے کہا کہ ویکسین لگوانے کے تئیں انکی سرگرمیاں قابل ستائش ہیں ۔ اس دوران انہوں نے ضلع انتظامیہ اور میڈیکل اسٹاف کا کورٹ کمپلیکس میں ویکسینیشن مہم چلانے کے لئے شکریہ ادا کیا.
محمد اشرف ملک نے اس دوران میڈیکل عملے اور فرنٹ لائن ورکروں کی تعریف کرتے ہوئے کہا کہ یہ لوگ اس مشکل گھڑی میں خود کو خطرے میں ڈال کر لوگوں کی خدمت کرتے ہیں.
وہیں سی ایم او بڈگام ڈاکٹر تجمل حسین نے جانکاری دیتے ہوئے کہا کہ ضلع میں تئیس ویکسینیشن مراکز لگائے گئے ہیں جہاں پر اٹھارہ سے چوالیس سال کے افراد کے لئے ا ویکسینیشن کاعمل چلایا جا رہا ہے.
انہوں نے مزید کہا کہ ہمارے پاس ویکسین کی کوئی کمی نہیں ہے۔ انہوں نے کہا کہ ضلع انتظامیہ کے پاس ابھی بھی کثیر مقدار میں ویکسین موجود ہیں۔ اور آنے والے دنوں میں انہیں مزید ویکسین فراہم کی جائیگی۔
