چمبا: ہماچل پردیش کے 75 ویں یوم تاسیس کے موقع پر جمعہ کو چمبا میں ایک پروگرام کا انعقاد کیا گیا۔ اس پروگرام میں وزیر اعلی جے رام ٹھاکر مہمان خصوصی کے طور پر پہنچے اور ریاست کے لوگوں کو بڑا تحفہ دیا ہے۔ سی ایم جے رام ٹھاکر نے اعلان کیا کہ 'اب ریاست کے ہر خاندان کو 125 یونٹ بجلی مفت ملے گی، اس سے ساڑھے 11 لاکھ خاندانوں کو فائدہ ہوگا۔ ہمانچل میں اس سے پہلے 60 یونٹ تک مفت گھریلو بجلی فراہم کی جا رہی تھی۔ وزیر اعلی جے رام ٹھاکر نے کہا کہ ہماچل پردیش کے لوگوں سے ملنے والی تجاویز کے بعد اب ریاست میں بجلی کے 0 سے 125 یونٹ تک کا کوئی بل نہیں آئے گا، اس کے علاوہ وزیر اعلیٰ نے خواتین کے لیے اسٹیٹ بس کرایہ میں 50 فیصد رعایت کا اعلان کیا۔ Himachal Pradesh State Foundation Day
مزید پڑھیں:
وزیر اعلیٰ نے دیہی علاقوں کے حوالے سے اعلان کیا کہ دیہی علاقوں کا پانی کا بل معاف کیا جائے گا اب ہمانچل میں مفت پانی فراہم ہوگی۔ واضح رہے کہ جل شکتی محکمہ کو دیہی علاقوں میں پانی کے بلوں سے 30 کروڑ کی آمدنی ہوتی ہے۔ تاہم، ہماچل ڈے پر ملازمین کے لیے وزیر اعلیٰ کی طرف سے کوئی اعلان نہیں کیا گیا ہے۔ لیکن بجلی، پانی اور خواتین کے حوالے سے کیے گئے بڑے فیصلوں کو اس سال کے آخر میں ہونے والے اسمبلی انتخابات 2022 سے جوڑ کر دیکھا جارہا ہے۔ Big Announcement of CM Jairam
