گجراتی پتنگ بازی کے کافی شوقین ہوتے ہیں۔ یہی وجہ ہے کہ مکر سنکرانتی سے ایک ماہ قبل ہی گجرات میں بچے پتنگیں اڑانے لگتے ہیں، لیکن رواں برس کورونا وائرس کے باعث پورے گجرات میں اترائن بے حد سادگی سے منایا گیا۔
خاص طور سے احمدآباد کا مسلم اکثریتی علاقہ جوہاپورا میں مسلم برادری نوجوان نے غیر مسلموں کے ساتھ پتنگ اڑائی اور قومی اتحاد کا پیغام دیا۔
اس تعلق سے پتنگ اڑانے والے مسلم نوجوانوں نے کہا کہ ہر سال ہم بہت دھوم دھام سے پتنگ بازی کرتے تھے، ڈی جے بجاتے تھے، ایک دوسروں کی چھتوں پر پتنگ اڑانے جاتے تھے اور اندیا جیلبی کھاتے تھے تو بہت مزہ آتا تھا لیکن اس بار کا اترائن میں وہ جوش نہیں ہے۔
مزید پڑھیں:
احمدآباد: رنگ برنگی پتنگوں کی روایت اور ان کے بنانے کا عمل
گجرات میں قومی ایکتا کے ساتھ منایا گیا اترائن کا تہوار
انہوں نے کہا کہ کورونا وائرس کے سبب ہم اپنی اپنی چھتوں پر معاشرتی فاصلے کے ساتھ پتنگ بازی کر رہے ہیں، ماسک بھی پہنا رکھا ہے اوربے حد کم دوستوں کے ساتھ پتنگ اڑا رہے ہیں۔
