بھارت کے اولیاء ہند میں سے ایک حضرت شاہ عالم سرکار کی درگاہ احمدآباد کے شاہ عالم علاقے میں موجود ہیں۔ یوں تو پورے سال اس درگاہ میں عقیدت مند زیارت کرنے آتے ہیں، لیکن رمضان میں حضرت شاہ عالم سرکار کی درگاہ کی رونقیں دوبالا ہو جاتی ہیں۔ خاص طور سے روزے دار کے لیے سحر و افطار کا یہ اہم مرکز بن جاتا ہے۔ گزشتہ 24 سالوں سے اس درگاہ کے خدام سحر و افطار کر اہتمام کرتے آ رہے ہیں، لیکن کورونا وائرس کے سبب گزشتہ 2 سال مساجد کے دروازے بند ہونے کے سبب افطار کا اہتمام نہیں کیا گیا۔ لیکن اب کورونا سے راحت ملنے کے بعد مساجد کے دروازے کھول دے گیے ہیں۔Spiritual scenes of Hazrat Shah Alam Dargah
مساجد میں رمضان کی رونقیں لوٹ آئیں ہیں۔ اس تعلق سے حضرت شاہ عالم درگاہ کے خادم صوبہ خان پٹھان نے کہا کہ کورونا کے دوران ہمیں سحر و افطار کا اہتمام کرنے کا موقع نہیں ملا۔ اس لیے ہم دکھی ہیں، لیکن اس سال پہلے کی طرح رمضان المبارک میں نماز ادا کی جارہی ہے۔ سحر افطار کرایا جا رہا ہے۔ درگاہ پر عقیدت مندوں کو آنے دیا جا رہا ہے اس لیے ہم بے حد خوش ہیں۔
انہوں نے کہا کہ یہاں پورے گجرات سے روزے دار افطار کرنے آتے ہیں۔ سب سے بڑا دسترخوان یہاں لگایا جاتا ہے ایسے میں روزیداروں کے لے بہترین انتظامات کیے گئے ہیں، یہاں بڑی تعداد میں خواتین بھی روزہ افطار کرنے آتے ہیں۔ درگاہ کو خوبصورت روشنی سے سجایا گیا ہے۔ یہاں بہت ہی خوبصورت منظر نظر آتا ہے۔ تاہم ہم رمضان المبارک میں خاص دعائیں بھی کرتے ہیں۔
حضرت شاہ عالم درگاہ میں روزہ افطار کرنے کے لیے صرف گجرات سے نہیں بلکہ ملک کی دیگر ریاستوں سے بھی عقیدت مند آتے ہیں اور درگاہ میں دلی سکون پاتے ہیں۔ اس تعلق سے بہار سے آے ہوے ایک روزےدار نے کہا کہ میں بہار کا رہائشی ہوں، لیکن کچھ دنوں سے احمدآباد میں رہ رہا ہوں۔ اس لیے شاہ عالم درگاہ میں ہر روز سجدہ کرنے آتا ہوں یہاں افطار بھی کرتا ہوں۔
حضرت شاہ عالم سرکار کے دربار میں ماہ رمضان میں جو بچہ پہلا روزہ رکھتا ہے اسے سجدہ کرانے لایا جاتا ہے اور بچے یہاں دعائیں مانگتے ہیں۔ یہاں ایک بہت ہی پرکشش منظر نظر آتا ہے ایسے پہلا روزہ رکھنے والے علی حسین خان نامی بچے نے کہا کہ میں نے پہلا روزہ رکھا ہے، مجھے بہت اچھا لگ رہا ہے۔ 'میں درگاہ میں آیا ہوں اور دعا کر رہا ہوں کہ اللہ تعالیٰ سب کو خوب تندرستی دے سب مسلمان ترقی کریں۔ میں اس درگاہ میں آیا ہوں تو ایسا لگ رہا ہے کہ میں جنت میں کھڑا ہوں۔' رمضان المبارک کے موقع پر حضرت شاہ عالم سرکار کے دربار میں جو رونقیں نظر آتی ہیں وہ دوسری جگہ کہیں اور نظر نہیں آتی اس لیے کہا جاتا ہے کہ اگر آپ احمدآباد آئیں تو حضرت شاہ عالم سرکار کے دربار میں ایک بار ضرور زیارت کرنے پہنچے۔
یہ بھی پڑھیں: Central Waqf Council: سینٹرل وقف کاؤنسل کے اراکین کی حضرت شاہ عالم درگاہ میں حاضری
