گاندربل میں آتشزدگی، ایک مکان خاکستر

وسطی کشمیر کے ضلع گاندربل کے ملک پورہ ڈب علاقے میں پیش آئے آگ کے واقعے میں ایک مکان جل کر خاکستر ہو گیا ہے۔

تفصیلات کے مطابق ضلع کے ملک پورہ ڈب علاقے میں بجلی شارٹ سرکٹ کے باعث ایک رہائشی مکان سے آگ لگی

غلام حسن گنائی ولد علی محمد کے رہائشی مکان میں دن کے تین بجے بجلی شارٹ سرکٹ کے سبب آگ لگ گئی۔ جس کے بعد مکان میں موجود رسوئی گیس سلینڈر زوردار دھماکہ سے پھٹ گیا۔

محکمہ فائر اینڈ ایمرجنسی کی بروقت کارروائی کے دوران آگ کو مزید پھیلنے سے روک دیا گیا۔

مقامی لوگوں کے مطابق غلام حسن گنائی کو گزشتہ سال چندہ جمع کرکے یہ مکان تیار کرکے دیا گیا تھا۔

مقامی لوگوں نے ضلع انتظامیہ سے متاثرہ شہری کے لیے امداد کی اپیل کی ہے۔