جموں و کشمیر نیشنل کانفرنس کے سینئر رہنما خالد نجیب سہروردی نے ڈوڈہ پارٹی صدر دفتر میں ذرائع ابلاغ کے نمائندوں سے خصوصی بات چیت کے دوران ڈی ڈی سی انتخابات کے بارے میں نیشنل کانفرنس و گپکار اعلامیہ عوامی محاذ کے لائے عمل پر موقف سے واقف کرایا۔
اس موقع پر حلقہ مرمت سے نیشنل کانفرنس امیدوار محمد یوسف نے کانگریس امیدوار مشتاق احمد کے حق میں اپنا پرچہ نامزدگی واپس لیا اور حلقہ گندنہ سے آزاد امیدوار عبدالمجید نے نیشنل کانفرنس امیدوار ایڈوکیٹ سید عاصم ہاشمی کے حق میں اپنا پرچہ نامزدگی واپس لینے کا اعلان کیا۔
یہ بھی پڑھیں: ڈی ڈی سی انتخابات کےلیے بی جے پی کا انتخابی منشور جاری
اس دوران بتایا کہ وہ گپکار الائنس پر کار بند ہیں اور پارٹی کے سینئر عہدیدران کے فیصلے کا خیر مقدم کرتے ہوئے مرمت سے کانگریس اور گندنہ حلقہ سے نیشنل کانفرنس کے امیدوار کے حق میں پرچہ نامزدگی واپس لے رہے ہیں تاکہ سب مل کر بی جے پی کو شکست سے دوچار کریں۔
خالد نجیب سہروردی نے بتایا کہ بی جے پی تمام محاذ پر ناکام ہو چُکی ہے۔ اُس کے پاس زمینی سطح پر دکھانے کے لیے کچھ نہیں ہے اور اب وہ فرقہ پرستی کی سیاست پر آمادہ ہو گئے ہیں۔ لیکن عوام اِن کے کارناموں سے واقف ہے اور اِن انتخابات میں بی جے پی کو منہ کی کھانی پڑے گی۔
