کانگریس کے سابق صدر راہل گاندھی نے مودی حکومت پر سخت تنقید کرتے ہوئے کہا کہ اس حکومت میں معیشت، ملک کی سلامتی اور شہریوں کی خوشحالی سمیت سب کچھ غائب ہوگیا ہے اور جب ان تمام صورتحال پر سوال پوچھتے ہیں تو جواب بھی غائب ہوتے ہیں۔
رکن پارلیمان راہل گاندھی نے کہا کہ ملک میں 12کروڑ روزگار غائب، پانچ لاکھ کروڑ ڈالر کی معیشت غائب، عام شہری کی آمدنی غائب، ملک کی خوشحالی اور سیکیورٹی غائب، سوال پوچھیں تو جواب غائب اور ترقی بھی غائب ہے۔
سجن کمار کو سپریم کورٹ سے راحت نہیں ملی
انہوں نے ایک اور ٹوئٹ میں حکومت پر بے روزگاری کے تعلق سے تنقید کی اور لوگوں کو روزگار فراہم کرنے، امتحانات صحیح طریقہ سے کرانے نیز وقت پر امتحانات کے نتائج اعلان کرکے نوجوانوں کے مسائل حل کرنے کی حکومت سے گزارش کی۔
اس درمیان کانگریس کے ترجمان گورو ولبھ نے پریس کانفرنس میں حکومت پر معیشت میں بہتری کے لیے کوئی قدم نہ اٹھانے کا الزام لگایا اور کہا کہ ملک میں سرمایہ کاری نہیں ہوگی تو معیشت گرے گی۔
