Delhi Shahbad Murder Case دہلی کا شاہ آباد قتل معاملہ، ملزم ساحل کی پولیس ریمانڈ میں تین دن کی توسیع

دہلی کے شاہ آباد ڈیری علاقے میں 16 سالہ لڑکی کو قتل کرنے والے ملزم ساحل خان کی پولیس ریمانڈ میں تین روز کی توسیع کر دی گئی۔ پولیس کا کہنا ہے کہ قتل میں استعمال ہونے والا چاقو تاحال برآمد نہیں ہوا۔ ایسے میں ملزم سے پوچھ گچھ کے لیے تین دن کا ریمانڈ ضروری ہے۔

نئی دہلی: عدالت نے شاہ آباد ڈیری کے علاقے میں 16 سالہ لڑکی کے قتل کے ملزم ساحل خان کے پولیس ریمانڈ میں مزید تین دن کی توسیع کر دی ہے۔ ملزم کا دو روزہ پولیس ریمانڈ جمعرات کو مکمل ہو گیا۔ اس کے بعد دہلی پولیس نے ریمانڈ میں تین دن کی توسیع کی مانگ کی جسے عدالت نے قبول کر لیا۔ دہلی پولیس نے عدالت کو بتایا تھا کہ قتل میں استعمال کیا گیا چاقو ابھی تک برآمد نہیں ہوا ہے۔

پولیس کا کہنا ہے کہ ملزم ساحل تفتیش میں تعاون نہیں کر رہا ہے اور واضح طور پر یہ نہیں بتا رہا ہے کہ اس نے قتل کے بعد چاقو کہاں چھپایا تھا۔ اس سے قبل ساحل نے کہا تھا کہ اس نے چاقو رتلہ گراؤنڈ میں پھینکا تھا۔ وہاں پولیس نے بہت محنت کی، لیکن چاقو نہیں ملا۔ اس کے بعد اس نے بتایا کہ اس نے بس سے بلند شہر جاتے ہوئے راستے میں چاقو پھینکا تھا، لیکن راستے میں اس نے اس جگہ کا نام نہیں بتایا جہاں چاقو پھینکا گیا تھا۔ اس لیے اس سے ابھی تفتیش باقی ہے اور اسلحہ برآمد کرنے کے لیے کم از کم تین دن کا ریمانڈ درکار ہے، جس پر عدالت نے ریمانڈ میں توسیع کردی۔

• 16-year-old girl stabbed to death and bludgeoned | Delhi Police produced Sahil in court today, the court extended the accused, Sahil's police custody for three days: DCP Outer North Ravi Kumar Singh

  — ANI (@ANI) June 1, 2023 " class="align-text-top noRightClick twitterSection" data="

  16-year-old girl stabbed to death and bludgeoned | Delhi Police produced Sahil in court today, the court extended the accused, Sahil's police custody for three days: DCP Outer North Ravi Kumar Singh

  — ANI (@ANI) June 1, 2023

  ">

  16-year-old girl stabbed to death and bludgeoned | Delhi Police produced Sahil in court today, the court extended the accused, Sahil's police custody for three days: DCP Outer North Ravi Kumar Singh

  — ANI (@ANI) June 1, 2023

قابل ذکر بات یہ ہے کہ ساحل خان پولیس کے ساتھ تفتیش میں تعاون نہیں کر رہا ہے اور جان بوجھ کر پولیس کو الجھ رہا ہے۔ اسے لگ رہا تھا پولیس کو الجھا کر وہ کسی طرح دو دن کا ریمانڈ پورا کر لے گا۔ اس کے بعد اسے جیل بھیج دیا جائے گا۔ وہ چاہتا ہے کہ پولیس قتل میں استعمال ہونے والا چاقو برآمد نہ کر سکے۔ لیکن اس کی چال کام نہ آئی اور پولیس کو مزید تین دن کا ریمانڈ مل گیا۔

ساحل نے ابھی تک پولیس کو واضح طور پر نہیں بتایا ہے کہ اس نے چاقو کہاں سے خریدا تھا۔ ساحل کے ساتھ ساتھ پولیس اس معاملے سے جڑے کئی لوگوں سے پوچھ گچھ کر رہی ہے اور ثبوت اکٹھے کر رہی ہے۔ پولیس کی کوشش ہے کہ اس سے حاصل ہونے والے شواہد کی بنیاد پر پولیس دیگر ملزمان سے آمنے سامنے پوچھ گچھ کرے۔