عام بجٹ 2022-23 پر مختلف حلقوں سے رد عمل کا سلسلہ جاری ہے۔ اسی درمیان اب معروف وکیل محمود پراچہ نے ای ٹی وی بھارت کے نمائندے سے بات کرتے ہوئے کہا کہ جتنے بھی کمزور اور نچلے طبقے ہیں، ان کے ساتھ گذشتہ کچھ برسوں سے عام بجٹ میں حق تلفی کی جا رہی ہے اور حکومت کے دوستوں کو فائدہ پہچانے کا کام عام بجٹ کے ذریعے کیا جا رہا ہے۔
محمود پراچہ کا کہنا تھا کہ ایک طرف تو مودی حکومت چین کو دشمن کے طور پر پیش کرتی ہے اور وہیں دوسری جانب کروڑوں کا منافع بھی کاروبار کے ذریعے انہیں پہنچایا جا رہا ہے۔ انہوں نے کہا کہ کسانوں کے ساتھ جو انہیں ایم ایس پی دیا جانا تھا وہ بھی بہت کم کر دیا گیا ہے۔
یہ بھی پڑھیں:
Mehmood Pracha on Maulana Qamar Usmani: 'مولانا قمر غنی عثمانی کی درخواست گجرات ہائی کورٹ میں جلد داخل کریں گے'
پراچا نے مزید کہا کہ ایس سی، ایس ٹی ، او بی سی اور اقلیت کا جو بنیادی حق ہے بجٹ میں ان کی آبادی کے تناسب کے حساب سے انہیں نہیں دیا جا رہا ہے۔
