ملک بھر میں کورونا کی دوسری لہر کے قہر کو دیکھتے ہوئے بھارتی ریلوے مسلسل بڑی تعداد میں ٹرینیں رد کر رہا ہے۔
مختلف روٹس پر ریلوے نے پہلے ہی ٹرینیں رد کر دی ہے۔ اب شمالی ہند کی جانب جانے والی ریلوے نے بدھ کو آسام، مغربی بنگال اور بہار کے درمیان چلنے والی خصوصی ٹرینوں کو بھی رد کردیا ہے۔ ریلوے نے رد ٹرینوں کی لسٹ بھی جاری کردی ہے۔
ریلوے نے اپنے سرکاری ٹویٹر ہینڈل کے توسط سے سرکلر شیئر کیا ہے۔ اس میں لکھا ہے کہ خراب حالات کی وجہ سے درج ذیل ریل سروسز کو آئندہ حکم تک کے لیے بند کردیا گیا ہے۔'
این ایف آر کے مطابق 12 مئی سے کل 31 ٹرینیں رد کردی گئی ہیں جن میں سے کچھ ٹرینیں 13 ،14 اور 15 مئی سے رد رہیں گی۔
واضح رہے کہ ملک بھر میں گذشتہ 24 گھنٹوں کے دوران انفیکشن کے 3.48 لاکھ سے زیادہ معاملات سامنے آئے ہیں اور 4200 سے زیادہ مریضوں کی اموات سے یہ تعداد بڑھ کر ڈھائی لاکھ سے تجاوز کر گئی ہے۔
