دہلی کے وزیر اعلیٰ کیجریوال Chief Minister of Delhi Arvind Kejrival نے الزام لگایا کہ ان کے ایم ایل اے سنجیو جھا، سومناتھ بھارتی، اجے دت اور کلدیپ کمار کو بی جے پی سے 20 کروڑ روپے کی پیشکش ہوئی ہے۔ انہوں نے جمعرات کو صبح 11 بجے اپنی رہائش گاہ پر تمام پارٹی ایم ایل ایز کی میٹنگ بلائی ہے۔
دہلی میں شراب کی پالیسی پر سیاسی ہنگامہ آرائی کے درمیان عام آدمی پارٹی نے بدھ کو ایک پریس کانفرنس کی۔ اس دوران آپ کے ایم پی سنجے سنگھ AAP Leader Sanjay Singh نے مودی حکومت پر شدید حملہ کیا۔ انہوں نے کہا کہ مودی حکومت کے ناپاک عزائم بے نقاب ہو چکے ہیں۔ بی جے پی نے AAP ممبران اسمبلی کو 20 کروڑ کی پیشکش کی۔ یہ اروند کیجریوال کے سپاہی ہیں، بی جے پی کے سامنے اس طرح نہیں بکیں گے۔ سنجے سنگھ نے دعویٰ کیا کہ بی جے پی نے آپ کے چار ایم ایل اے سنجیو جھا Sanjeev Jha اور سومناتھ بھارتی Somnath Bharti ، اجے دت Ajau Dutt اور کلدیپ کمار Kuldeep Kumar کو توڑنے کی کوشش کی اور انہیں 20 کروڑ کی پیشکش کی۔ لیکن دہلی میں بی جے پی اپنے ارادوں میں کامیاب نہیں ہوگی۔
دہلی کے وزیر اعلی اروند کیجریوال نے کہا کہ پچھلے 2-3 دنوں میں کچھ AAP ایم ایل اے مجھے بتا رہے ہیں کہ انہیں بی جے پی کی طرف سے سی بی آئی اور ای ڈی کی طرف سے دھمکیاں دی جا رہی ہیں۔ AAP چھوڑنے کے لیے پیسے کا لالچ دینا ایک بہت سنگین مسئلہ ہے۔
