بڈگام: کمیونٹی کلاس چلانے پر دو مڈل اسکول سیل

انتظامیہ کو لوگوں کی جانب سے مسلسل شکایات موصول ہو رہی تھیں کہ چیوڈارہ میں دو پرائمری اسکول کمیونٹی کلاس چلا رہے ہیں۔

وسطی ضلع بڈگام کے سب ضلع بیروہ میں کووڈ-19 کے رہنما اصولوں کی خلاف ورزی کرنے پر دو اسکولوں کو سیل کر دیا ہے۔انتظامیہ کو لوگوں کی جانب سے مسلسل شکایات موصول ہو رہی تھیں کہ چیوڈارہ میں دو پرائمری اسکول کمیونٹی کلاس چلا رہے ہیں جو کہ سراسر کووڈ-19 رہنما اصولوں کے ایس او پیز کی خلاف ورزی ہے۔

ان شکایات کا نوٹس لیتے ہوئے انتظامیہ نے چیوڈارہ کا اچانک دورہ کیا اور دو نجی پرائمری اسکولوں (آل ہُدا اور آل اسر) کو کمیونٹی کلاسیز چلاتے ہوئے عین وقت پر دیکھا جس کے بعد انتظامیہ نے ان دونوں اسکولوں کو سر بہ مہر کیا۔

ای ٹی وی بھارت نے جب تحصیلدار دفتر بیروہ سے اس بارے میں رابطہ کیا تو انہوں نے ٹیلی-فون پر بتایا کہ چیوڈارہ بیروہ میں دو نجی پرائمری اسکول باضابطہ طور پر کمیونٹی کلاس چلا رہے تھے۔

جس کی ہمیں شکایات موصول ہوئی اور ہم نے بر وقت کارروائی انجام دیتے ہوئے وہاں کا دورہ کیا اور ان کو کوؤڈ-19 ایس او پیز پر عمل نہیں کرنے کا مرتکب پایا اور جس کے بعد ان دونوں اسکولوں کو سر بہ مہر کیا گیا.