ضلع بڈگام کے چاڈورہ علاقے سے تعلق رکھنے والے ایک نوجوان نے سماجی رابطے کی ویب سائٹس پر ایک مقامی لڑکی کی ویڈیو اپلوڈ کی جو آنا فاناً میں وائرل ہو گئی۔ ویڈیو وائرل ہونے کے بعد مقامی لوگوں نے پولیس کو مطلع کرکے اپلوڈ کرنے والے شخص کے خلاف کارروائی کا مطالبہ کیا۔
بڈگام پولیس نے فوری طور معاملہ درج کرکے ویڈیو اپلوڈ کرنے والے فیاض احمد نامی ایک نوجوان کو گرفتار کر لیا ہے۔
ابتدائی معلومات کے مطابق مذکورہ نوجوان نے ایک مقامی لڑکی کے ساتھ ’قابل اعتراض‘ ویڈیو کلپ بنا کر اسے اپنے دوستوں کے ساتھ شئر کیا جنہوں نے اسے وائرل کیا۔
وائرل ویڈیو سے متعلق عوامی حلقوں میں کافی غم و غصہ پایا جا رہا۔ عوام کی مانگ ہے کہ ویڈیو بنانے والے اور اسے اپلوڈ کرنے والے افراد کے خلاف سخت قانونی کارروائی کی جانی چاہئے۔
پولیس نے اس ضمن میں ایف آئی آر درج کرکے رانگر چاڈورہ سے تعلق رکھنے والے فیاض احمد کو گرفتار کرکے مزید تحقیقات شروع کر دی ہے۔
