بڈگام: وسطی ضلع بڈگام کے بیروہ علاقے میں سکیورٹی فورسز نے لشکر طیبہ تنظیم سے وابستہ تین معاونین کو گرفتار کرنے کا دعوی کیا ہے۔تفصیلات کے مطابق بڈگام کے پٹھ کوٹ بیروہ میں 62 راشٹریہ رائفلز اور سی آر پی ایف کی جانب سے ایک ناکہ بچھایا گیا تھا جس دوران ناجن بیروہ سے آنے والے تین افراد کو روکا گیا ور ان سے پوچھ گچھ کی گئی اور ان کی تلاشی لی گئی۔
تلاشی کے دوران سکیورٹی فورسز نے ان کے قبضے سے ایک ہینڈ گرنیڈ، 13 اے کے راؤنڈز اور ایل ای ٹی کے 9 پوسٹر برآمد کیے گئے ہیں۔گرفتار شدہ کی شناخت محمد یونس ڈار ولد محمد سلطان ڈار، سید جہانگیر شاہ ولد غلام الدین شاہ ساکن آروہ اور عرفان احمد وگے ولد علی محمد وگے ساکن ناجن بیروہ کے طور پر بتائی ہے۔پولیس نے اس سلسلے میں آرمس ایکٹ کے تحت گرفتار شدگان کے خلاف ایف آئی آر زیرِ نمبر 145/23 درج کی ہے، اور اس کیس کی مزید تحقیقات شروع کی ہے۔
مزید پڑھیں:
سرینگر میں دو عسکری معاونین گرفتار، اسلحہ وگولہ بارود بر آمد، پولیس
واضح رہے کہ موں وکشمیر پولیس نے بدھ کے روز سرینگر کے مضافاتی علاقہ میں عسکری تنظیم لشکر طیبہ سے وابستہ دو عسکری معاونین کو گرفتار کرکے ان کی تحویل سے بھاری مقدار میں اسلحہ و گولہ بارود بر آمد کرنے کا دعوی کیا ہے۔
