وسطی کشمیر کے ضلع بڈگام کے گورویت، خانصاحب علاقے میں پیر کی صبح اُس وقت کہرام مچ گیا جب ایک 25 سالہ شخص پر حملہ کرکے اسے ابدی نیند سلا دیا گیا۔ 25-year-old Man Murdered in Budgam ذرائع نے بتایا کہ ایک شخص موٹر سائیکل پر سوار تھا کہ نامعلوم شخص نے اس کے سر پر کسی شئی سے وار کرکے اسے شدید زخمی کر دیا۔
حملے میں زخمی ہوئے شخص کو فوری طور سب ڈسٹرکٹ ہسپتال خان صاحب منتقل کیا گیا جہاں ڈاکٹروں نے ابتدائی طبی امداد کے بعد اسے سرینگر کے صورہ اسپتال ریفر کر دیا۔ Murder in Khansahab, Budgam صورہ میں کچھ وقت تک موت و حیات کی کشمکش میں مبتلا رہنے کے بعد 25سالہ نوجوان زخموں کی تاب نہ لاکر فوت ہو گیا۔ بڈگام پولیس نے معاملے کی نسبت کیس درج کرکے تحقیقات شروع دی ہے۔ بڈگام پولیس کا کہنا ہے کہ طبی و قانونی لوازمات کے بعد میت کی آخری رسومات کے لیے لواحقین کے سپرد کر دیا جائے گا۔
