ETV Bharat / state

New Parliament Building آر جے ڈی نے نئے پارلیمنٹ ہاؤس کی تشبیہ تابوت سے دی

author img

By

Published : May 28, 2023, 11:27 AM IST

Updated : May 28, 2023, 12:28 PM IST

Etv Bharat
Etv Bharat

آج ملک کو پارلیمنٹ کی نئی عمارت مل گئی ہے لیکن اپوزیشن جماعتوں کا احتجاج جاری ہے۔ ایک طرف جہاں وزیر اعظم نریندر مودی نے آج نئے پارلیمنٹ ہاؤس کا افتتاح کیا وہیں دوسری جانب بہار میں برسراقتدار راشٹریہ جنتا دل نے اپنے آفیشل ٹویٹر ہینڈل سے ایک متنازع پوسٹ کیا ہے۔

پٹنہ: آج ملک کو نیا پارلیمنٹ ہاؤس مل گیا ہے۔ وزیر اعظم نریندر مودی نے اس کا افتتاح کیا۔ افتتاح سے قبل پی ایم مودی اور لوک سبھا اسپیکر اوم برلا نے پوری رسومات کے ساتھ پوجا کی۔ اس کے ساتھ ہی 21 جماعتوں نے اس افتتاحی پروگرام کا بائیکاٹ کیا۔ افتتاح کے فوراً بعد آر جے ڈی نے ایک متنازعہ ٹویٹ کیا ہے۔ پارٹی نے تابوت کے ساتھ پارلیمنٹ ہاؤس کی تصویر پوسٹ کی ہے۔ جس پر بی جے پی نے اعتراض کیا ہے۔ راجیہ سبھا کے رکن سشیل کمار مودی نے کہا کہ نئے پارلیمنٹ ہاؤس کا تابوت سے موازنہ کرنے والوں کے خلاف غداری کا مقدمہ درج ہونا چاہیے۔ راشٹریہ جنتا دل کے آفیشل ٹویٹر ہینڈل سے ایک پوسٹ کی گئی ہے۔ جس میں ایک طرف تابوت ہے تو دوسری طرف نیا پارلیمنٹ ہاؤس ہے۔ ٹویٹ کے ذریعے سوال پوچھا گیا ہے کہ 'یہ کیا ہے؟' ظاہر ہے اس تصویر کے ذریعے آر جے ڈی نے نئے پارلیمنٹ ہاؤس کا موازنہ تابوت سے کیا ہے۔ بتادیں کہ اس نئے پارلیمنٹ ہاؤس کو تکونا شکل میں ڈیزائن کیا گیا ہے، جب کہ پرانا پارلیمنٹ ہاؤس گول ہے۔ نئی عمارت میں لوک سبھا میں 888 اور راجیہ سبھا میں 384 ارکان کے بیٹھنے کی گنجائش ہے۔

بی جے پی کے رکن پارلیمنٹ سشیل مودی نے آر جے ڈی پر جوابی حملہ کرتے ہوئے کہا کہ اگرچہ تمام پارٹیوں کے لوگوں نے آج عمارت کا بائیکاٹ کیا ہو، لیکن کل ایوان کی کارروائی وہیں ہونے والی ہے۔ کیا راشٹریہ جنتا دل نے فیصلہ کیا ہے کہ وہ نئے پارلیمنٹ ہاؤس کا مستقل بائیکاٹ کریں گے؟ کیا وہ لوک سبھا کی رکنیت سے استعفیٰ دیں گے؟ تابوت کی تصویر دکھانے سے زیادہ ذلت آمیز کچھ نہیں ہے۔ آر جے ڈی کے ترجمان شکتی یادو نے کہا کہ ہمارے ٹویٹ کا تابوت جمہوریت کی تدفین کی نمائندگی کرتا ہے۔ ملک اسے قبول نہیں کرے گا۔ پارلیمنٹ جمہوریت کا مندر ہے اور یہ چرچہ کرنے کی جگہ ہے۔

سشیل مودی
سشیل مودی

یاد رہے کہ آر جے ڈی ان 21 پارٹیوں میں شامل ہے، جنہوں نے صدر جمہوریہ کے ہاتھوں افتتاح نہیں ہونے پر اس پروگرام سے دوری بنالی تھی۔آر جے ڈی کے علاوہ کانگریس، جے ڈی یو، ٹی ایم سی، این سی پی، ڈی ایم کے، ایم ڈی ایم کے، اے اے پی، شیو سینا (ادھو گروپ)، ایس پی، سی پی آئی، سی پی ایم، جے ایم ایم، آر ایل ڈی، نیشنل کانفرنس، کیرالہ کانگریس (مانی)، اے آئی ایم آئی ایم، اے آئی یو ڈی ایف، انڈین یونین مسلم لیگ، انقلابی سوشلسٹ پارٹی اور ودوتھلائی چروتھائیگل کچھی سمیت 21 جماعتوں نے افتتاحی تقریب کا بائیکاٹ کیا ہے۔

یہ بھی پڑھیں: New Parliament House شاہ رخ خان نے نئے پارلیمنٹ ہاؤس کو امیدوں کا نیا گھر قرار دیا

Last Updated :May 28, 2023, 12:28 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.