بھاگلپور میں مشاعرہ 'جشن جمہوریہ' کا انعقاد

بہار کے بھاگلپور میں واقع چمپانگر میں یوم جمہوریہ کے موقع منعقدہ اس مشاعرے میں شعرا نے حب الوطنی کے موضوع پر اپنے کلام پیش کیے۔

مولانا اسجد ناظری نظر کی زیر صدارت منعقدہ اس مشاعرے میں زیادہ تر شعرا نے حب الوطنی کے موضوع اشعار سنائے۔

اس مشاعرے کا اہتمام چمپانگر کی تاریخی لائبریری مومن انصاری لائبری میں کیا گیا تھا۔ جس میں افضل حسین، انیس اعظمی، منظر امام شفق اسجد ناظری نظر، کاظم اشرفی فاروق اعظم شبیر وارثی احسان الزماں، سید شبیر جعفری وغیرہ نے اپنے کلام پیش کئے۔ حاضرین شعرا کے کلام سے خوب محظوظ ہوئے۔

آخر میں مولانا ضیاء الرحمان نعمانی کے کلام کے ساتھ مشاعرہ اختتام پذیر ہوا۔ شاعروں کو سننے کے لئے بڑی تعداد میں سامعین موجود تھے، جب کہ نقابت کے فرائض افضل حسین ندوی نے بخوبی انجام دیا۔