آر جے ڈی کے چیف لالو پرساد یادو کو چارہ بدعنوانی معاملے میں کورٹ میں پیشی ہوگی۔
ڈورنڈا خزانہ سے غیر قانونی طور سے رقم نکالنے کے معاملے میں سی بی آئی کے خصوصی جج ایس کے ششی کی عدالت مین ملزم کا بیان درج کیا جا رہا ہے۔
وہیں سی بی آئی کی خصوصی عدالت میں لالو پرساد یادو کا 313 کا بیان کرایا جائے گا۔
اس سلسلے میں جیل انتظامیہ لالو پرساد یادو کو عدالت میں پیش کرے گی۔ لالو پرساد یادو، جو چارہ گھوٹالہ کے مختلف مقدمات میں سزا یافتہ ہیں، فی الحال جیل میں بند ہیں اور ان کی صحت کا علاج رمس کے پینگ وارڈ میں چل رہا ہے۔
سخت سکیورٹی کے درمیان، لالو پرساد یادو کو آج عدالت میں پیش کیا جائے گا۔
چارا گھوٹالہ کے ڈورانڈا خزانہ آر سی 47 اے / 96 معاملے میں 139 کروڑ روپئے غیر قانونی طور پر نکالنے کا الزام ہے۔
جس میں بہار کے سابق وزیر اعلی لالو پرساد یادو سمیت 114 افراد اس مقدمے کا سامنا کر رہے ہیں۔
وہیں بہت سارے بیوروکریٹس، سپلائرز اس معاملے میں ملوث ہیں۔
مزید پڑھیں:گیا: یوم فوج پرنوجوانوں کے درمیان دوڑ مقابلہ
آر جے ڈی سپریمو لالو پرساد یادو کو دمکا، چائباسا ، دیوگھر کے خزانے میں چارے گھوٹالے کی سزا سنائی گئی ہے اور وہ جیل کی سزا کاٹ رہے ہیں۔
واضح رہے کہ اس معاملے میں رانچی کی سی بی آئی عدالت میں سابقہ مویشی پروری وزیر ودیاساگر نشاد کی گواہی درج کی گئی ہے۔
اس بدعنوانی میں سابق وزیر اعلی لالو پرساد یادو کے علاوہ سابق رکن پارلیمان جگدیش شرما، آر کے رانا اور دیگر ملزم ملوث ہیں۔
یہ کیس فی الحال 313 کے ایک بیان کے مرحلے میں ہے جس میں سیاستدانوں کی گواہی درج کی جارہی ہے۔
